තරුණ ටෙලි නාට්‍ය හා චිත්‍රපට අධ්‍යක්ෂවරයකු වන සසික හේරත්ගේ කුලුඳුල් සිනමා නිර්මාණය වන ‘සිහින සමීකරණ’ මංගල දැක්ම හෙට 17 වැනි දින කොල්ලුපිටිය ලිබර්ටි සිනමා ශාලාවේදී පැවැත්වේ. ඒ සඳහා සිනමා පටයට රංගනයෙන් දායක වුණු සියලු නළු නිළියන් සමඟ කාර්මික ශිල්පීන් ඇතුළු විශේෂ ආරාධිත අමුත්තන් රැසක් සහභාගී විමට නියමිතය.
මහාචාර්ය චරිත් ජයතිලක හා ධම්මික ගී කියන ගේ නිෂ්පාදනයකි. සහින සමීකරණ. අයිස් දියවෙන ලයිෆ් ප්‍රේමය තේමාව යටතේ කාලීන ප්‍රස්තුතයක් රැගත් මෙම සිනමා පටයේ සජිත අනුත්තර, රසුණි කාවින්දි, අශාන් ඩයස්, රන්දික ගුණතිලක, පූජන දන්දෙනිය, නයනා හෙට්ටිආරච්චි, රෙබෙකා දිල්රුක්ෂි, වසන්ත විට්ටච්චි, මොරින් චාරුණි රංගනයෙන් එක්වෙති.
සුදත් මහදිවුල්වැව අධ්‍යක්ෂණය කළ MY RED COMRADE සිනමාපටය හෙට 17 වැනිදා සිට දිවයින පුරා සිනමාශාලා 18ක තිරගත වීම ඇරැඹේ. චරිත ද්විත්වකින් සමන්විත මෙම චිත්‍රපටය දින 4කින් රූගත කොට ඇත. තරින්දි ප්‍රනාන්දු සහ ප්‍රසන්න මහගමගේ පමණක් රංගනයේ යෙදීමද චිත්‍රපටයේ තිබෙන විශේෂත්වයකි.