කොළඹ ආනන්ද විදුහලේ ප්‍රාථමික අංශය වාර්ෂිකව පවත්වනු ලබන අවුරුදු උත්සවය මෙවරත් හෙට (26) වැනි දින පැවැත්වීමට කටයුතු යොදා ඇත.
යහපත් මානසික සෞඛ්‍ය තත්ත්වයෙන් හෙබි ශිෂ්‍ය ප්‍රජාවක් සමාජයට දායාද කිරීම, අලුත් අවුරුදු චාරිත්‍ර හා ජන ක්‍රීඩා පිළිබඳ ශිෂ්‍ය ප්‍රජාවේ අවබෝධය වැඩි දියුණු කිරීම, අලුත් අවුරුදු චාරිත්‍ර ආරක්ෂා කරමින් හා ඒවා අනුගමනය කරමින් අනාගත පරපුර සඳහා ඒවා ආරක්ෂා කරන පරිසරයක් නිර්මාණය කිරීම, ජන ක්‍රීඩා පිළිබඳ දැනුම දියුණු කිරීම තුළින් එම ක්‍රීඩාවල නියැළීම සමාජයට හා ලෝකයට වැඩදායි පුරවැසියන් දායාද කිරීම මූලික කර ගනිමින් මේ අවුරුදු උත්සවය එළඹෙන 26 වැනිදා පෙ.ව. 07.00 සිට ප.ව.01.00 දක්වා විද්‍යාලයීය බාස්කට් බෝල් ක්‍රීඩා පිටියේදී පැවැත්වෙන බව එහි සංවිධායක මණ්ඩලය සරසවියට පැවසීය. ජ්‍යේෂ්ඨ කථිකාචාර්ය මහින්ද කුමාර දලුපොත සහ ප්‍රකට කලාකරු සහන් රන්වල ප්‍රධාන ආරාධිත අමුත්තන් ලෙස සහභාගි වෙති.