ගුණාත්මක වැඩසටහන් ප්‍රේක්ෂකයා හමුවට ගෙන එන ජාතික රූපවාහිනියේ නවතම වැඩසටහන් පෙළක් එළඹෙන 02 වැනිදා සිට විකාශය කෙරේ. එහි පළමු වැඩසටහන ලෙස Art + 02 වැනි සෙනසුරාදා ප.ව.07.00 සිට 07.30 දක්වා විකාශය කෙරේ.
මෙ හරහා චිත්‍ර, නැටුම්, සංගීතය, ටැටූ කලාව, මෝස්තර නිර්මාණය, නිරූපණ ක්ෂේත්‍රය, ඡායාරූපකරණය, පොත් ප්‍රදර්ශනය, you Tube vlog, කලා අංගවලින් හා ශ්‍රී ලංකාවේ පිහිටි විදේශ සංස්කෘතික ආයතන වල ට්ධඥබඩඥ පැවැත්වෙන සියලු කලාත්මක අංගයන් ඇතුළත්ව මෙම වැඩසටහන නිෂ්පාදනය කරනු ලබයි. අන්තර් සංස්කෘතීන්ට අයත් කලාත්මක සංස්කෘතිකාංග හුවමාරු කර ගැනීම, එකිනෙකාගේ සංස්කෘතීන්ට ගරු කිරීමට පෙලඹවීමත්, මෙම වැඩසටහන මඟින් ප්‍රේක්ෂකයාට රස විඳීමට සැලසීම බවයි වැඩසටහන් අධ්‍යක්ෂ අනෝමා වීරසේකර පැවසුවේ.
මෙයට සමගාමීව එළඹෙන 03 වැනි දින සිට සෑම ඉරුදිනකම රාත්‍රී 07.00 සිට 07.30 දක්වා ‘සංයුග’ තරුණ සඟරාමය වැඩසටහන සුමින්ද තිලකසේනගේ අධ්‍යක්ෂණයෙන් විකාශය කෙරේ.
තරුණ නිර්මාණකරුවන්ගේ විලාසිතා, රංගනය, චිත්‍ර, සංගීතය හා වෙනත් දක්ෂතාවයන් ඒ හරහා ප්‍රේක්ෂකයා වෙත ගෙන ඒම මෙහි අරමුණ වී ඇත.