වකුගඩු රෝගීන්ගේ ප්‍රතිකාර සහ සුබ සාධක කටයුතු සපයා ගැනීමේ අරමුණින් සමස්ත ලංකා වකුගඩු රෝගීන්ගේ සංගමය විසින් සංවිධාන කරනු ලබන
2025 වසරේ දැවැන්තම සංගීත ප්‍රසංගය වන ‘සුවසර ගී දැහැන’ එළඹෙන 05 වැනි දා සවස 6.00ට කොළඹ බණ්ඩාරනායක අනුස්මරණ අන්තර්ජාතික සම්මන්ත්‍රණ ශාලාවේදී පැවැත්වේ.
මෙම ප්‍රසංගයට ගායනයෙන් එක් වූ කිහිප දෙනකු මේ වන විටත් අප අත හැර ගොසිනි. ඒත් ඒ සියලු දෙනාටම ශක්තියක් වෙමින් අද ප්‍රවීණ ගායන ශිල්පී සුනිල් එදිරිසිංහ, විශාරද එඩ්වඩ් ජයකොඩි, චරිතා ප්‍රියදර්ශනී , දීපිකා ප්‍රියදර්ශනී, ප්‍රදීපා ධර්මදාස, ජගත් වික්‍රමසිංහ, උරේෂා රවිහාරී, දයාන් විතාරණ, රොඩ්නි වර්ණකුල ඇතුළු ප්‍රවීණ සහ ජනප්‍රිය ගායක ගායිකාවන් රැසක් ගී ගැයීමට නියමිතය.
‘සුවසර ගී දැහැන’ සංගීත අධ්‍යක්ෂණය ජගත් වික්‍රමසිංහ සහ මේජර් බුද්ධික වන්නීනායක විසිනි. සංගීතය යුද හමුදා වාද්‍ය වෘන්දයෙන් වන අතර නර්තනය යුද හමුදා නර්තන කණ්ඩායම විසින් සිදු කරනු ලැබේ. විශේෂඥ වෛද්‍ය සංජය හෙයියන්තුඩුව සහ දක්ෂ වෛද්‍යවරුන් පිරිසක් මෙහි සංවිධාන ශක්තියට උරදෙයි.