106
ශමීර නාඔටුන්න තිර රචනය කොට අධ්‍යක්ෂණය කළ, වරුණ අරඹගේ නිෂ්පාදනය කළ සිහින නෙළුම් මල් චිත්‍රපටයේ විජයග්‍රාහි 100 පසුගියදා, කොළඹ පී.වී.ආර්. සිනමා ශාලාවේදී, සිනමා පටය සඳහා රංගනයෙන් සහ කාර්මික අංශයෙන් සම්බන්ධ වූ ශිල්පීන්ගේ දායකත්වයෙන් සැමරුවේය. එහිදී, සිහින නෙළුම් මල් දින 100 තිරගත කළ සිනමා ශාලා හිමියන් සඳහා තිළිණ ප්‍රධානය ද සිදුකෙරිණි. හේමාල් රණසිංහ, දුෂේනි මියුරංගි ද සිල්වා, උමාලි තිලකරත්න, වීණා ජයකොඩි, ශ්‍රියාණි අමරසේන, ප්‍රියන්ත සෙනෙවිරත්න, මයුර කාංචන, කළණ ගුණසේකර, දයාදේව එදිරිසිංහ, ලාල් කුලරත්න රංගනයෙන් එක්වෙති. කැමරාකරණයෙන් විශ්වජිත් කරුණාරත්න, සංගීත අධ්‍යක්ෂණයෙන් මිලින්ද තෙන්නකෝන්, සංස්කරණයෙන් රවීන්ද්‍ර ගුරුගේ, වර්ණ සංයෝජනයෙන් තිස්ස සුරේන්ද්‍ර, සහය අධ්‍යක්ෂණයෙන් දමින්ද ඩී. මඩවල එක්වෙති.