68
ආනන්දනීය සිංහල සිනමා සංසදයේ 52 වැනි හමුව පසුගිය දිනට යෙදි තිබුණි. එහිදි ප්‍රවීණ ගායන හා රංගන ශිල්පී ප්‍රියංකර පෙරේරාට මාලඹේ ප්‍රාදේශීය මහ ලේකම් කාර්යාලයේ ශ්‍රවණාගාරයේදී උපහාර පිදුමක් පවත්වන ලදී. ඒ සදහා ආනන්දනීය සිනමා සංසදයේ සාමාජික සාමාජිකාවන් ඇතුළු කලාකරුවන් විශාල සංඛ්‍යාවක් සහභාගි වූහ.
සළු පළඳවා, ජීවමාන සිතුවමක්, සමරු තිළිණය සමඟ මූල්‍යමය පරිත්‍යාගයක් සිදුකරන ලදී.ආනන්දනීය සිංහල සිනමා සංසදයේ සභාපති ආනන්ද ගමගේ, චිත්‍රපට නිෂ්පාදක සුනිල් ටී ප්‍රනාන්දු, නිවේදිකා චිත්‍රා කුමාරි කළුබෝවිල සහ රංගන ශිල්පී සරත් දික්කුඹුර කෙටි දෙසුම් පවත්වන ලදී.
ප්‍රවීණ ගායන ශිල්පී අප අතරින් වෙන්ව ගිය මිල්ටන් පෙරේරා හා ප්‍රියංකර පෙරේරා ගැයු ගීත එදින උපහාර උළෙලට සහභාගී වූ ගායන ශිල්පීන් සහ ආනන්දනීය හිතවතුන් හිතවතියන් විසින් ගායනා කරන ලදී.