සංදේශ බණ්ඩාරගේ කුලුඳුල් සිනමා අධ්‍යක්ෂණය වන අමිගෝ සිනමාපටයේ මුහුරත් උලෙළ පසුගිය දින ජාතික චිත්‍රපට සංස්ථාවේ ජෝ අබේවික්‍රම කේන්ද්‍රීයේදී කාන්තා ළමා කටයුතු හා සමාජ සවිබල ගැන්වීමේ අමාත්‍ය සරෝජා පෝල්රාජ් මහත්මියගේ ප්‍රධානත්වයෙන් පැවැත්විණි. මේ පැවැති උලෙළ සඳහා සිනමා පටයට දායක වන රංගන ශිල්පීන් ඇතුළු විශේෂ ආරාධිතයෝ රැසක් ද සහභාගී වූහ.
උලෙළේ විශේෂ ආරාධිත අමුත්තා ලෙස සහභාගි වූ අමාත්‍ය සරෝජා පෝල්රාජ් මහත්මිය අදහස් දක්වමින් පැවසුවේ අමිගෝ සිනමා පටය සමාජයට යහපත් පණිවිඩයක් දිය හැකි සිනමාපටයක් ලෙස නිර්මාණය වන බවයි. මිනිසාගේ ඇස පුළුල් වී හදවත පටු වී ඇති අවධියක මිනිසුන්ගේ හදවත පුළුල්වන නිර්මාණයක් උදෙසා දායකත්වය ලබා දෙන අමිගෝ අධ්‍යක්ෂ ඇතුළු කණ්ඩායමට ඇගේ සුභපැතුම් එක් කළාය. තවදුරටත් අදහස් දක්වමින් ඇය සඳහන් කළේ. මගේ පළමු වන සිනමා මුහුරත මෙය වන අතර මා ලද භාග්‍යයක් බවයි මෙවැනි නිර්මාණයකට සහභාගි වීම කලාව යනු ආනන්දයෙන් ප්‍රඥාවට ගෙන යන හුදු මාධ්‍යයක් සේම එය සමාජයේ විවිධ තලවලට කතා කරන්න පුළුවන් සුවිශේෂී ලක්ෂණවලින් හෙබි භාව ප්‍රකාශනයකි. පුළුල් පරාසයක කිව නොහැකි දේවල් සමුදායක් සමාජගත කරන්නට අමිගෝ කණ්ඩායම ගන්නා උත්සාහය අපි සියලු දෙනාම අගය කළ යුතුයි. මගේ විෂය පථයට අදාළ කතා සාරංශයක් මේ තිරපිටපතට ගෙන ඒම පිළිබඳව මා නිෂ්පාදක කණ්ඩාය බෙහෙවින් ස්තූතිවන්ත වන බවයි. රජයක් ලෙස අපි ගෙනයන නව වැඩපිළිවෙළට විවිධ දක්ෂතාවන්වලින් හෙබි විවිධ අංශ නියෝජනය කරන පිරිස් එකට එකතු වී මේ ගන්නා උත්සාහයට මා අමාත්‍යවරිය ලෙස දිය යුතු හැම සහයෝගයක්ම දීමට බලාපොරොත්තු වන බවයි එහිදී ඇය සඳහන් කළේ.
රොෂාන් පිලපිටිය, කිෂු ගෝමස්, තත්සරණී පියුමිකා, අශාන් ධනංජය, දේවින්ද වික්‍රමසිංහ, අශාන් සිරිවර්ධන, රොහාන් විජේතුංග, සාරද චමින්ද, දිල්හාරා ජයසිංහ ඇතුළු නළු නිළියෝ රැසක් රංගනයෙන් එක්වෙති.
සංගීත අධ්‍යක්ෂණය හති තියාර්, කලා අධ්‍යක්ෂණය අෂාන් දිනුක, අංග රචනය ගාමිණී කොස්වත්ත, සංස්කරණය මදුවන්ත ජයකොන්, ශබ්ද සංකලනය යසිත වික්‍රමරත්න, නිෂ්පාදන කළමනාකරණයේ චමිල සම්පත්, නිශ්චල ඡායාරූප පසිංදු චමෝද් ගෙනි.
