අන්තර්ජාතික සහ සරසවිය සම්මානිත ප්‍රවීණ චිත්‍රපට අධ්‍යක්ෂ ප්‍රසන්න විතානගේ අධ්‍යක්ෂණය කළ මේ දිනවල ලෝක සිනමා හල්වල මෙන් මෙරට තිරගතවන පැරඩයිස් චිත්‍රපටය පසුගිය දින amazon prime මනෝරාමා මැක්ස් හා සිම්පිලි සවුත් යන OTT platform හි සිනමා විකාශය ආරම්භ විණි.
එහිදී Amazon prime වඩාත් ආකර්ෂණය දිනාගත් ඉන්දියානු චිත්‍රපට ලැයිස්තුවේ. තුන්වන ස්ථානයට පැමිණීමට පැරඩයිස් චිත්‍රපටය සමත් වී තිබේ. මේ ශ්‍රී ලාංකික චිත්‍රපට අධ්‍යක්ෂකවරයකු ලැබූ ඉහළම ජයග්‍රහණයක් මෙන්ම එවැන්නක් හිමි කරගත් පළමු ශ්‍රී ලාංකිකයා බවට ලාංකීය සිනමාවංශ කතාවට එක්වෙයි.
ඉන්දියන් නිව්ටන් සමාගමේ නිෂ්පාදනයක් වන පැරඩයිස් හි ජනප්‍රිය මලයාලම් රංගන ශිල්පීන් යුවළක් වන රොෂාන් මැතිව්ස් සහ දර්ශනා රාජේන්ද්‍රන් හා මහේන්ද්‍ර පෙරේරා, ශ්‍යාම් ප්‍රනාන්දු ඇතුළු රංගන ශිල්පීන් රැසක් රංගනයෙන් එක්වෙති. මේ වන විට පැනඩයිස් සිනමාපටයේ දින පනහ පසු කරමින් අති සාර්ථකව දිවයින පුරා තිරගත වේ.