25
දෙස් විදෙස් සංචාරකයන්ගේ රසවින්දනය උදෙසා දුම්රිය දෙපාර්තමේන්තුව බදුල්ලේ සිට බණ්ඩාරවෙල දක්වා කැලිප්සෝ දුම්රියක් දෛනිකව ධාවනය කරනු ලබයි. සංගීත රසකාමී දෙස් විදෙස් සංචාරයන්ගේ විශේෂ ඉල්ලීම පරිදි එම දුම්රිය අප්‍රේල් 8 වෙනිදා සිට සෑම අඟහරුවාදා දිනකම බදුල්ලේ සිට නානුඔය දක්වා ධාවනය කිරීමට කටයුතු යොදා ඇති බව දුම්රිය මහ කළමනාකරු ධම්මික ජයසුන්දර මහතා සරසවියට පැවසීය. මෙම දුම්රිය බදුල්ලේ සිට ගමන් ආරම්භ කරද්දී දෙමෝදර ප්‍රදේශයේදී මිනිත්තු දහයක් සහ ඇල්ල ආරුක්කු පාලම මත මිනිත්තු දහයක් නතර කර ඔවුන්ට අවට පරිසරයේ සුන්දරත්වය විඳීමින් සංගීතය රසවිඳීමට ඉඩකඩ සලසා ඇත.