ආලෝකො උදපාදී සිනමා පටයෙන් අධ්‍යක්ෂණයට පිවිසී චත්‍ර වීරමන් අධ්‍යක්ෂණය කළ දෙවැනි සිනමා පටය වන ආයු දින 50 පසුකරයි.එයට සමගාමීව පසුගිය දින colombo city center scope සිනමා සංකීර්ණයේ දී එයට රංගනයෙන් දායක වූ නළු නිළියන් ආයු සිනමා පටය නැරඹීමට පැමිණි ප්‍රේක්ෂකයන් සමග එහිදි සතුට බෙදා ගත් අතර කදිරිගාමර් ශ්‍රවණාගාරයේදී සිනමාපටය පිළිබඳ විශේෂ කතිකාවක් ද පවත්වන ලදී.
විචාරකයින්, සිනමාවට ඇලුම් කරන කලා රසික රසිකාවන් සමඟ පවත්වන ලද මෙම කතිකාව මෙහෙයවනු ලැබුවේ රංගන ශිල්පිනී ගම්‍යා විජයදාස විසිනි. මේ සඳහා සීයකට අධික පිරිසන් සහභාගි විය. දිවයින පුරා EAP මණ්ඩලයේ සිනමා ශාලා ඇතුළු දිවයින පුරා සිනමා ශාලාවල තිරගත වන ආයු ජෙනරාල් දයා රත්නායක සහ යසස් රත්නායකගේ නිෂ්පාදනයකි.
ජගත් මනුවර්ණ, සැන්ඩ්‍රා මැක්, අශාන් ඩයස්, මාලිනී ෆොන්සේකා, ප්‍රියන්ත සිරිකුමාර, නලින් ලුසේනා, තුමිඳු දොඩන්තැන්න, කෙනාරා විජේතුංග, උදාර අබේසුන්දර, දනුෂ්කා සෙනවිරත්න, කසුනි කාවින්ද්‍යා, සමඟ සම්පත් ජයවීර, දසුන් පතිරණ, අකලංක ප්‍රභාෂ්වර, ප්‍රසන්න දැකුම්පිටිය, තිවංක රණසිංහ රංගනයෙන් එක්වෙති.
ආයු සමන් වීරමන්ගේ කතාවකට චත්‍ර වීරමන් සහ ශක්ති වීරසිංහ විසින් තිර රචනය කරන ලද්දකි. මේ සඳහා කැමරා අධ්යක්ෂණයෙන් කාලිංග දේශපි‍්‍රය, සංස්කරණය සමන් ඇල්විටිගල අංගරචනයෙන් හර්ෂ මංජුල, ශබ්ද සංකලනයෙන් ශෂික රුවන් මාරසිංහ, වර්ණ සංයෝජනයෙන් දිනිඳු ජාගොඩ, කලා අධ්යක්ෂණයෙන් කුමාර කරව්දෙණිය, සංගීත අධ්යක්ෂණයෙන් මිලින්ද තෙන්නකෝන් ගායනයෙන් තුසිත් සැම්සන්, චතුරිකා හර්ෂණී, ඩේව් රෝබර්ට්න් දායක වෙති.
චාමර සේලාර මේ සඳහා සහාය අධ්යක්ෂණයෙන් දායක වන අතර නිෂ්පාදන සැලසුම් කරණයෙන් විමල් දුෂ්මන්ත, නිෂ්පාදන කළමනාකරණයෙන් ඉරේෂා කරුණාරත්න දායක වෙති. නිෂ්පාදන විධායක ප්‍රීමාල් රණසිංහ සහ සසිකා ගනේගොඩගේ, නිශ්චල ඡායාරූප ෂෙහාන් ඔබේසේකරගෙනි. කොණ්ඩා සැකසුම් හරුන් සයිඩ්න් සහාය නිෂ්පාදනයෙන් අනුරාධ වීරමන් සමඟ සමන් වීරමන් විසිනි.
ආයු දින 50 පසුකරයි
7
previous post