අභීත විමුක්ති යනු ධනවත් ව්‍යාපාරිකයෙකි. ඔහුගේ මව වන තක්ෂිලා බස්නායක, ඇයගේ සැමියාගේ අකල් මරණයෙන් පසු, ඔහු විසින් පවත්වාගෙන යනු ලැබූ, රෙදි පිළි ව්‍යාපාරය ඇය විසින් මෙහෙයවනු ලබයි. සීතාගේ මස්සිනා වන වික්ටර් ධන බලයට ඇති තණ්හාව නිසා, අභීතගේ දේපොළ වංචාවෙන් ලබා ගැනීමට පිඹුරුපත් සකසයි. වැඩි දුර අධ්‍යාපන කටයුතු සඳහා විදේශ ගතව සිටි අභීත, සිය උපාධිය ලබා ගැනීමෙන් අනතුරුව මව් බිමට පැමිණෙයි. මවගේ ඉල්ලීම මත පවුලේ ව්‍යාපාරයේ වගකීම ඔහු භාරගනී. නොසිතු අවස්ථාවක අභීතගේ මව කර්මාන්ත ශාලාවේදි අනතුරකට ලක්ව කෝමා තත්ත්වයට පත්වෙයි. ඇය යථාතත්වයට පත් කර ගැනීම සඳහා අභීත ගත් සියලුම උත්සාහයන් ව්‍යාර්ථ වෙයි. අහම්බෙන් හමුවන තාපසවරයෙකු ඔහුට පවසන්නේ, මව බේරා ගැනීමට එක් ක්‍රමයක් ඇති බවත්, එය එක් කොන්දේසියක් මත, දින 48 ක් යාචකයෙකු ලෙස ජීවිතය ගත කිරීමට සිදුවන බවත් ය. සිය මව වෙනුවෙන් එම අභියෝගය භාරගන්නා ඔහු, පසන් නැමැති සිය සමීපතම මිතුරාට සිය ව්‍යාපාරය බලා ගැනීමට උපදෙස් දී, තාපසවරයාගේ උපදෙස් මත යාචක දිවියට අවතීර්ණ වෙයි. ඒ දිවියේදී ඔහුට හිතවත් යාචකයන් රැසක් හඳුනා ගැනීමට හැකිවෙයි. අභීත ව්‍යාපාර ආයතනයේ නොමැති නිසා වික්ටර් සිය උපක්‍රමයන් ඉක්මන් කරයි . දින 48 ළංවෙද්දී අභීතට ප්‍රශ්න රැසකට මුහුණ දීමට සිදුවෙයි. අභීතට සිය මව බේරා ගැනීමට හැකිවේද ? වික්ටර් ගේ උත්සාහය සහ ඉරණම කෙළෙස විසදේද යනු මෙතුළින් පෙන්වා දී ඇත.
මෙහි අධ්‍යක්ෂ ශ්‍රැති ප්‍රභා (ඉපභබඩඪර ර්‍ථපචඡඩච) ඉසිපතන විද්‍යාලයේ ආදි ශිෂ්‍යයකු වන අතර, වයස අවුරුදු හයේදී, ගුවන් විදුලි සංස්ථාවේ ළමා ගායකයෙකු ලෙස සම්බන්ද වීමෙන් අනතුරුව කලා ක්ෂේත්‍රයට පිවිසීම සිදුව ඇත. ඔහු මේවන විට චිත්‍රපට අධ්‍යක්ෂවරයකු, චිත්‍රපට, ටෙලි නාට්‍ය සහ වේදිකා නාට්‍ය සංගීත අධ්‍යක්ෂවරයකු, තිර පිටපත් රචකයකු, රංගන ශිල්පියකු හා ගායන ශිල්පියෙකු ලෙස මෙරට සහ ඉන්දියාවේ කටයුතු කරයි. බටහිර, කර්නාටක මෙන්ම හින්දුස්ථානි ශාස්ත්‍රීය සංගීතයද හදාරා ඇති ඔහු, ශබ්ද ඉංජිනේරු විෂයද ඉහළටම හැදෑරුවෙකි. 1998 දී ශ්‍රැති නමින් ඔහුගේම සංගීත කන්ඩායමක් ආරම්භ කර, දකුණු ඉන්දීය ජනප්‍රීය ගායන ශිල්පීන් සමඟ දිවයින පුරා ප්‍රසංග මාලාවක් පවත්වා ඇත. 1998 වර්ෂයේදී ගුවන් විදුලි සංස්ථාවේ දමිළ අංශයේ සංගීත අධ්‍යක්ෂවරයා බවට පත්වූ ඔහු, එහිදී සරල ගී සියයකට අධික ප්‍රමාණය නිර්මාණය කර ඇති අතර, වේදිකා නාට්‍ය 100 කට අධික සංඛාවක් සංගීත අධ්‍යක්ෂණයෙන් හා ගායනයෙන්ද, දකුණු ඉන්දියාවේ සහ මෙරට වෙළඳ දැන්වීම රැසක් සඳහාද ඔහුගේ සංගීත දායකත්වය දක්වා ඇත. දකුණු ඉන්දියාවේ නිෂ්පාදිත ” ර්‍ථඒඊඩ්ඒව්ධ් “, ” ව්ඒර්ර්ඒ ර්‍ණර්‍ණඅඋ ර්‍ථඒඉඒම්ම්ඒඅඒඍර්‍ථඒඉඒව්ට්” සහ ” ර්‍ණව් ච්ධ්ම්ම්උ ර්‍ණව්ච්ධ් ” යන චිත්‍රපට ත්‍රිත්වයේ ද සංගීත අධ්‍යක්ෂණය කිරීමට ඔහුට අවස්ථාව සැලසී ඇත. ඔහුගේ සංගීත දිවියේ ඔහු ලද සම්මාන අතර, 2009 දී සංගීතය සඳහා ගෞරවනීය සම්මානය, 2018 දී ඉන්දියාවේ චෙන්නායි හී පැවති “ඛ්ඩ්ධ්ව්ව්ඒඊඩ්ධ්අඒඹ් ඊඡ්ඹ්ඡ් ඒඑඒඅච්ඉ” සම්මාන උලෙළේ දී , වසරේ හොඳම සංගීත අධ්‍යක්ෂණය සඳහා හිමි සම්මානයද, 2019 දී සංගීත ක්ෂේත්‍රයේ කැපී පෙනෙන දායකත්වයක් දැක්වීම වෙනුවෙන් ජාතික සම්මානයද, 2024 දී වීශේෂ අභිනන්දන ජාතික සම්මානය ද ලබා ගැනීමට ඔහු සමත්ව ඇත.
රංගන දායකත්වය
ශ්‍රියාණි අමරසේන, මහේන්ද්‍ර පෙරේරා, රොඩ්නි වර්ණකුල, ශ්‍රියන්ත මෙන්ඩිස්, අභීත ප්‍රකාෂ්කරන් , ඉසුරු ලොකුහෙට්ටිආරච්චි, මිහිර සිරිතිලක, රයන් වැන්රෝයන්, කිංග්ස්ලි ලෝස්, චතුර පෙරේරා, මොරින් චාරුණී, පබෝදා සංදීපනී, විල්සන් ගුණරත්න , නිමල් පල්ලේවත්ත, සෝමවීර ගමගේ, ශ්‍රැති ප්‍රභා, රාජසිංහ ලෝලුවාගොඩ, කුමාර වඳුරැස්ස, සුගත් ජානක, කපිල සිගේරා, සමන්ත මායාදුන්න ඇතුළු රංගන ශිල්පීන් රැසක් දායකව ඇත.
කාර්මික දායකත්වය
තිර රචනය හා අධ්‍යක්ෂණය – ශ්‍රැති ප්‍රභා
නිෂ්පාදනය – අභීත ප්‍රකාෂ්කරන්
කැමරා අධ්‍යක්ෂණය – කතීර් රාජසේකරම්, වී.එම්. තිලෝජන්
සංස්කරණය සහ වර්ණ සංයෝජනය – තනුෂ්ක කහඳවල
සංගීත අධ්‍යක්ෂණය – ශ්‍රැති ප්‍රභා, ජේයි ප්‍රානවි
5.1.ශබ්ද මිශ්‍රණය – රාජ්
සහය අධ්‍යක්ෂණය – තරිඳු ඉලංකෝන් , ෂෙන්
නිෂ්පාදන විධායක – සිරිතුංග පෙරේරා
අංග රචනය – තාරක අධිකාරි
සටන් අධ්‍යක්ෂණය – සමන්ත මායාදුන්න
කලා අධ්‍යක්ෂණය – ප්‍රියන්ත දිසානායක
විශේෂ ප්‍රයෝග – මනීෂ් ප්‍රමුදිත
ඇඳුම් නිර්මාණය – ලක්මාල් අතුකෝරාළ
ගීත රචනය – නිලාර් එන්. කාසිම්, කෞෂික ගයාන් ෆොන්සේකා , සජිත් වී චතුරංග
ගීත ගායනය – උපේක රුක්ෂාන් , සඳසි මෙත්මන්ති, අභිෂේක්
උපසිරැසි – සම්පත් උදයංග පෙරේරා
නාමවලි නිර්මාණය – වී.එම්. තිලෝජන්, බිමාලි නවන්ජනා.
