ශ්රී ලාංකේය සිනමා 79 වැනි සංවත්සරය සහ ශ්රී ලංකා චිත්රපට සංස්ථා 54 වැනි සංවත්සරය සැමරුම වෙනුවෙන් ශශ්රී ලංකා ජාතික චිත්රපට සංස්ථාව විසින් වැඩසටහන් මාලාවක් සංවිධානය කර ඇත.
එහි ප්රධාන සංවත්සර උත්සවය ඊයේ දින (21දා) සවස 3.00 ට තරංගනී සිනමා ශාලාවේදී පැවැත්විණි. බුද්ධ ශාසන, ආගමික සහ සංස්කෘතික කටයුතු අමාත්ය ආචාර්ය හිනිඳුම සුනිල් සෙනෙවි ප්රධානත්වයෙන් සහ කලාකරුවන්, රාජ්ය නිලධාරීන් ඇතුළු සම්භාවනීය අමුත්තන් රැසකගේ සහභාගීත්වයෙන් සිදුකෙරිණි.
එයට සමගාමීව ජාතික චිත්රපට සංස්ථා සිනමා ඩිප්ලෝමාලාභී අනුර දහනායකගේ ‘සිනමා නදියේ උඩුගං බලා’ ග්රන්ථය සහ චිත්රපට සඟරාවේ නවතම කලාපය එළිදැක්විණ. මෙම වැඩසටහන් මාලාවේ තවත් එක් අංගයක් ලෙස චිත්රපට අලෙවිකරණය පිළිබඳ Masterclass (ආරාධිතයන් සඳහා පමණයි) 2026 ජනවාරි 23 දා (හෙට) පෙ.ව 9.30 සිට ප.ව 1.30 දක්වා ජාතික චිත්රපට සංස්ථා පරිශ්රයේ පිහිටි ජෝ අබේවික්රම කේන්ද්රයේදී පැවැත්වීමට නියමිතයි. එහි සම්පත් දායකත්වය මහාචාර්ය ෆිනෝලා කෙරිගන් (Professor Finola Kerrigan – Markerting Professor – University of Birmingham UK) සිදු කෙරෙනු ඇත.
සංවත්සර සිනමා දැක්ම – තරංගනී සිනමා ශාලාවේදි
(ඇතුළුවීම නොමිලයේ)
* ජනවාරි 22 – ප.ව 5.00 – තුංමං හන්දිය
* ජනවාරි 23 – ප.ව 5.00 – වත්සලා අක්කා
* ජනවාරි 24 – පෙ.ව 10. 30 – කොළඹ සන්නිය
ප.ව 2.00 – මී හරකා
ප.ව 6.30 – සාරවිට
ජනවාරි 25
පෙ.ව 10.30 – හුලවාලි
ප.ව 2.30 – nඑදත් සූරයා අදත් සූරයා
ප.ව 6.30 – මගේ වම් අත