සිනමා දැක්මක් පිළිබඳ මාධ්‍ය දැනුම්වත් කිරීම පසුගිය දිනෙක තරංගනී සිනමා ශාලාවේදී සිදුවුණා. එයට පැමිණි චිත්‍රපට නිෂ්පාදක සුනිල් ටී. ප්‍රනාන්දු ඉතිහාස කතා සිනමාවට නැඟීම ගැන විවිධ කතා කියන්න ගත්තා. දැන් ඒ කතා සිනමාවේ විතරක් නොවෙයි ටෙලි නාට්‍යවලටත් ඇවිත් කියා ඔහු කියන්න ගත්තා. බෙදාහැරීමේ මණ්ඩලයේ සිටින අනුරාධ රැකවත්, අනුර ජසෙන්තුත් මේ කතා අහලා කොක් හඬලා සිනාසුණා. ඒ කතාබහ අතරමැදට පැමිණි මහේන්ද්‍ර පෙරේරාට උඩ ගිහින් බිම වැටුණා වාගේ දැනුණා. වචනයක්වත් කතා නොකර අසාගෙන හිටියා. ඒ ඔහුත් ප්‍රථම වතාවට ඉතිහාස කතාවකට රංගනයෙන් දායක වන නිසා. කොහොම වුණත් කතා වුණේ හරිම ඉතිහාසය සිනමාවට නොනැඟුණොත් ලොකු විනාශයක් වන බවයි.