බන්දුල ගලගෙදර කා අතරත් ජනප්‍රිය නළුවෙකි. එච්.ඩී. ප්‍රේමරත්න විසින් අධ්‍යක්ෂණය කරන ලද සිකුරුලියා චිත්‍රපටයෙන් සිනමාවට පිවිසි බන්දුල ගලගෙදර චිත්‍රපටයේ ජනප්‍රියත්වයත් සමඟින් සියලු දෙනා කතා බහ කරන චරිතයක් වන්නට විය. උස් නොවූ සිරුරක් හිමි බන්දුල සීතා දේවි, මරුවා සමඟ වාසේ, සසරක පැතුම, ලොකු තාත්තා, මවුන්ටන් ඉන් ද ජන්ගල්, කැකිල්ලේ රජ්ජුරුවෝ, කෝ හතුරෝ, රිදී තැල්ල වැනි චිත්‍රපටවලටද රංගනයෙන් දායක විය. මේ වන විට ඔහු කුරුණෑගල වාරියපොල වැඩිහිටි නිවාසයක නේවාසිකව ප්‍රතිකාර ලබමින් සිටී. ආනන්දනීය සිංහල සිනමා සංවිධානය හා Little people Association  සංවිධානය වෙනුවෙන් ඔහුගේ සුව දුක් බැලීම සදහා ගොස් තිබුණේ ජනේෂ් චන්දිමාල් ය. ජනේෂ් පවසා සිටින්නේ මේ දක්වා කිසිම කලාකරුවෙක් එතුමාගේ සුව දුක් විමසීමට නොපැමිණි බව ඔහු පැවසූ බවයි. ඔහුගේ සුවදුක් බැලීමට තම වටිනා කාලයෙන් බිදක් යොදවන ලෙස කලාවට හිතැති සැමගෙන් ඉල්ලා සිටී.