සහය චරිතය ප්‍රධාන චරිතයට අලෝකයක්

අප්‍රේල් 28, 2022

 

සෝමසිරි දෙහිපිටියගේ කලා දිවියේ වසර 40ක් සපිරිම නිමිත්තෙන් ගුණ අනුස්මරණ උලෙළ කලාකරුවන් රැසකගේ සහභාගිත්වයෙන් පසුගිය දින තරංගනී සිනමා ශාලාවේදි පැවැත්විණි. ඒ අතර කාගෙත් අවධානයට යොමු වූ චරිත දෙකක් විය. ඒ කෞශල්‍යා ප්‍රනාන්දු හා ඡායා ශ්‍රී නම්මුනිය. ඡායා දැනට නීති වෘත්තියේ ද නියළෙන්නිය. මේ දෙදෙනා කතා කරන්නට වුයේ ප්‍රධාන චරිතවලට අලෝකයක් වන සහය චරිත අගය කිරීම කොච්චර වටිනවාද කියායි. ඒ වෙන හේතුවක් නිසා නොව ඕනෑම නිර්මාණයක කරින් කර රංගනයේ යෙදෙන්නේ සහය චරිත නිසාවෙන් ය. “අපිත් ඒ වගේනේ. ඒ නිසා කවදා හරි දවසක අපිටත් උපහාර තියන්න මේවා ආදර්ශයට ගනිවී” කියා දෙදෙනාම සිනාසුණහ.