ටාසන් නැතිනම් වනරාජා මනඞකල්පිත කැලෑ වීරයෙකි. එහි ප්‍රබන්ධකයා එඩ්ගාර් රයිස් මැරෝස්ය. ඔහු රචිත ටාසන් කතා පෙළේ කුලුඳුල් කෘතිය නිකුªත් වුයේ 1912 දීය. එය ටාසන් ඔෆ් ඒප්ස් වෙයි. කතාවේ ගැබ්ව තිබුණු වනගත දිවිය, බිහිසුණකම, වානර ගෝත්‍රිකයන්ට එරෙහිව කළ වීර වික්‍රම නිසා පෙර අපරදිග පාඨකයන් ටාසන්ට පි‍්‍රයමනාපයක් දැක්වීය. මේ අපුර්වත්වය, රුචිකත්වය, ජනපි‍්‍රයත්වය නිසාම ඔහුව සිනමාවට කැඳවා ගෙන ඒමට එතරම් කාලයක් ගත වුයේ නැත. පළමු ලෝක සංග්‍රාමය සිනමා කර්මාන්තය සසල කොට තිබියදී ඉන් ගොඩනැගීමට මේ කැලෑ වීරයා 1918 සිනමා තිරයට පිවිසියේය. එල්මෝලින්කන් රඟපෑ ටාසන් ඔෆ් ඒජස් නමින්ම ප්‍රදර්ශිත එය නිහඬ සිතුවම් පටයකි. ටාසන් කතානාද සිනමාවට ප්‍රවිෂ්ට වුයේ 1928 වසෙර්ය.

හොලිවුඩ් පුරේ සිනමා ලෝලීන්ගේ ආදර රජ දහනයට මැදි වූ ටාසන් පසු කාලයක බොලිවුඩ් සිනමා පුරයටත් පැන ගත්තේය. ඒ අනුව පළමු හින්දි ටාසන් චිත්‍රපටය 1937 තුෆානි ටාසන් නමින් වාඩියා මූවිස් නිෂ්පාදනය කළේය. එහි කතාව හොලිවුඩ් ටාසන් චිත්‍රපට අනුසාරයෙන් ජේ.බී.එම්. වාඩියා විසින් සකස් කරන ලදි. ඔහු සොහොයුරු හෝමි වාඩියා අධ්‍යක්ෂණය කළ එම චිත්‍රපට කතාවට ඔහු විසින්ම 1958 යළිත් ප්‍රතිනිර්මාණය කරනු ලැබීය. ඊට වසර හතරකට කලින් ප්‍රදර්ශිත තුෆානි ටාසන් නම් චිත්‍රපටය මුල් හා ප්‍රතිනිර්මාණයට සම්බන්ධ නැත.

1937 නිපදවන ලද ශක්තිමත් ටාසන් යනුවෙන් අර්ථ දක්වන තුෆානි ටාසන් චිත්‍රපටයේ ප්‍රතිනිර්මාණය හැඳින්වුයේ සිම්බෝ නමිනි. පැය දෙකයි විනාඩි විසි දෙකක ධාවන කාලයකට චෙම්බුර්, මුම්බායි, මහරාස්ත්‍ර හා භසන්ට් චිත්‍රාගාරයේ රූපගත කළ මෙහි පැරණි චිත්‍රපටයේ සිටි මිනිස් වානරයා වෙනුවට ෂෙඩ්රෝ නම් චිම්පන්සියකු රඟ පෑ අතර මෝති සුනඛයා ඉවත්ව සිටියේය. එලෙසම වඩාත් ජනපි‍්‍රය හින්දි ටාසන් නාමය වන සිම්බෝ නමින් තවත් හින්දි චිත්‍රපටයක් 1998 දීත් නිපදවා ඇතත් එහි කතාව වෙනස් කතා පුවතක් මත විකාශනය වී තිබිණ.

ක්‍රියාදාම නිර්මාණ සඳහා වැඩි ඉල්ලුමක් පැවති යුගයක භසන්ට් පික්චර්ස් ඉදිරිපත් කළ සිම්බෝ (1958) චිත්‍රපටයේ අති සාර්ථකත්වය තක්සේරු කරන විට රූමත් යොවුන් නළු නිළි යුවළක් ප්‍රධාන චරිත නිරූපණයේ යෙදීම, කන්කලු ගීත ඇතුළත්ව තිබීම, වෙනත් භාෂා තුනකින් හඬ කැවීම, ප්‍රථම වර්ණ හින්දි ටාසන් චිත්‍රපටය වීම ගෙනහැර දැක්වීමට පුළුවන. මුලින්ම 1958 දෙමළ බසටත්, දෙවනුව 1959 තෙළිඟු බසටත් හඬ මුසු කළ එහි සිංහල පිටපත එනමින්ම පෙන්වීමට බලාපොරොත්තුව සිටියේ 1961 අපේ‍්‍රල් 27 වැනිදාය. හදිසියේ ප්‍රසිද්ධ රැඟුම් පාලක මණ්ඩල නියෝගයක් අනුව ප්‍රදර්ශනය අත් හිටවීම නිසා සිංහල සිම්බෝ තිරයේ දුටුවේ මැයි 18 වැනිදා සිටය. ඒ ගාමිණි, සැෆ්යාර්, ක්වින්ල්න්, වෙම්බිලි, රත්නාවලි, මානෙල්, රිච්මන්ඩ්, ජුපිටර්, ඡායා හා අම්පාරේ විජයා ඇතුළු සිනමාහල් දහතුනක දීය.

සිම්බෝ චිත්‍රපටයේ නාමාවලිය විමසා බලන විට නිෂ්පාදක අධ්‍යක්ෂවරයා හෝමි වාඩියාය. නව තිර නාටකය ජේ.බී. එම්. වාඩියා ලියා තිබුණේය. කැමරා ශිල්පියා ආනන්ද වාට්දේකර් විය. ඔහු සිම්බෝ චිත්‍රපටය රූපගත කොට තිබුණේ ගෙවා වර්ණයෙනි. සංගීතය චිත්‍ර ගුප්ත සැපයීය. බච්චුබායි මිස්ත්‍රි කලා අධ්‍යක්ෂණයෙන් සම්බන්ධව සිටියේය. සහාය අධ්‍යක්ෂවරයා එස්.එස්. දිවාකර් වූ අතර විධායක අධ්‍යක්ෂවරයා ජොන් ක්වාස් වෙයි. ඔහු ප්‍රථම ඉන්දීය ටාසන් නළුවාය.

සිම්බෝ චිත්‍රපටයේ ප්‍රධාන චරිතය රඟපෑ අසාඩ් නවක නළුවෙකි. ඔහු දැනට හින්දි සිනමාවේ වැඩිම වාර ගණනක් වනරාජා බවට පත් රංගන ශිල්පියායි. සිම්බෝ චිත්‍රපටයේ ඔහුගේ පෙම්වතිය ලීලා ලෙස රඟපෑ චිත්‍රා 1954 සිනමාවට පිවිසි පළපුරුදු නිළියක වූවාය. සෙසු ප්‍රධාන සහායක චරිත රංගනයේ යෙදුණ පිරිස ඩී.එම්.වියාස් (බිහාරිලාල්), ක්‍රිෂ්ණා කුමාරි (මායාදේවි) ෂෙයික් (ජලට්) අච්ලා සච්දේව්, (උමා) සර්දර් මන්සුර් (දිලාවර්) සුරේෂ් උමාදත් (මහාචාර්ය චක්‍රවර්ති) ඩල්පට් (පුරෝහිත), මාස්ටර් සුරේෂ් (කුඩා සිම්බෝ), හබීප් (ජුගල්) හා ෂෙඩ්රෝ (දාදා - වානරතරුව) වූහ. අතිරේක නළුවන් රැසක් ද සිටියහ.

සිම්බෝ සිංහල පිටපතේ ප්‍රධාන නළු නිළියන් සඳහා මානෙල් සමරනායක, බන්දු ගුණසේකර, ශාන්ති ලේඛා, වින්සන්ට් වාස්, තෙරේසා වීරසිංහ, ඇන්තනී සී. පෙරේරා,හියුගෝ ප්‍රනාන්දු, ක්‍රිස්ටි ලෙනාඩ් පෙරේරා හඬකැවීම් කළහ. සංගීතය සැපයුවේ ගෝවවර්ධනම් විසිනි. කරුණාරත්න අබේසේකර පබදා ලතා වල්පොල, මොහිදින් බෙග්, ධර්මදාස වල්පොලගේ හඬින් ඇසුණු ගීත රැගත් සිම්බෝ චිත්‍රපට කතා සැකිල්ල මෙසේ දිගහැරිය හැකිය.

කැලෑ ප්‍රදේශයක් අසළ වනරාජ්පූර් නම් නොදියුණු ගම්මානයක පදිංචිව සිටින මහාචාර්ය චක්‍රවර්ති තරුණභාවය රැක ගැනීමේ පර්යේෂණයක නියැළී සිට ඉන් සාර්ථක ප්‍රතිඵලයක් ලබයි. එම රහස් සටහන ඔහු කුඩා සුරයක සඟවා සිය කුඩා පුතු රාජාගේ ගෙලේ පලඳවයි. එම රහස හා තමන් ආපසු ගමට එන බව ඔහුගේ සොහොයුරු දුර්ගදාස් චක්‍රවර්තිට දන්වා යවයි. මේ අතරතුරේ ගමට කඩා වඳින රුදුරු කොටි රැළකින් පහරකන මහාචාර්යවරයා මියැදෙන අතර බිරිඳ උමා උන්මන්තකත්වයට පත්වෙයි. කුඩා පුතු රාජා කැලයේ අතරමන් වෙයි. ඔහුට ආරක්ෂාව සපයමින් රැක බලා ගන්නේ දාදා නම් වානරයයි. කාලය ගෙවී ගොස් කුඩා රාජා යොවුන් වියට පත්ව සිම්බෝ නමින් කැලෑ වීරයකු ලෙස දිවි ගෙවයි. මෙම කැලෑ ප්‍රදේශයේම රහසිගත ගෝත්‍රික ගම්මානයක් ද පිහිටා තිබෙයි. මෙහි නායිකාව මායා දේවියට තම කැලෑ ප්‍රදේශයට විදේශිකයන් පිරිසක් තම නැතිවුණු ඥාති පුත්‍රයා හා සතු අගනා පර්යේෂණයක රහස සොයා පැමිණෙන බව සැලවෙයි. එම කණ්ඩායමට දුර්ගදාස් චක්‍රවර්ති, ඔහුගේ දියණිය ලීලා, මාර්ගෝපදේශක දිලාවර්, සහායක ජලාට් හා කපටි දඩයක්කාරයකු වූ බිහාරිලාල් අයත් වෙයි. ඔවුන් වනයට ඇතුළු වූ වහාම ගෝත්‍රිකයන් පහර දෙයි. එතැනට පැමිණෙන සිම්බෝ ඔවුන් පලවා හැර පිරිස බේරා ගනියි. මේ කැලෑ වීරයා තම සොහොයුරු පුතු බව දුර්ගදාස් විශ්වාස කරයි. බිහාරිලාල් කැලෑ වීරයාගේ ගෙලේ පැලඳි සුරය දකියි.

දිනක් සිම්බෝගේ හිතවත් දාදා කූඩාරම් වාඩියට පැමිණෙයි. බිහාරි ලාල් ක්‍රෝධයෙන් සතාට වෙඩි තබයි. උරහිසට වෙඩි වඳින දාදා පණ බේරා ගෙන පැනයයි. ඊට පළිගැනීමක් හැටියට සිම්බෝ විසින් ලීලා පැහැරගෙන තම නවාතැනට රැගෙන යයි. එහිදී තුවාල ලබා සිටින දාදා දකින ලීලා පැහැරගෙන තම නවාතැනට රැගෙන යයි. එහිදී තුවාල ලබා සිටින දාදා දකින ලීලා බෙහෙත් බැඳ ප්‍රතිකාර කරයි. ඇගේ ගතිපැවතුම් ගැන පැහැදෙන සිම්බෝ ඇගේ ඇසුරු පි‍්‍රය කරයි. ඔවුන් නිදැල්ලේ පසුවෙන අවස්ථාවක ගෝත්‍රිකයන් ලීලාව ගසක බැඳ සිම්බෝව අබිරහස් ගෝත්‍රික මැදුරට රැගෙන යයි. ඔහුගේ හැඩිදැඩි රූසපුවෙන් මුසපත් වන මායා දේවි ඔහුට සැප සම්පත් ලබාදෙයි. ඒවා ප්‍රතික්ෂේප කරන සිම්බෝ සටනක් කොට මැදුරු භූමියෙන් පැන ගනියි. දරුණු තුවාල සහිත සිම්බෝව හමුවන උමා ඔහුගේ තුවාලවලට බෙහෙත් ගල්වයි.

මේ අතර දාදගේ මඟ පෙන්වීම ඔස්සේ සිම්බෝ සොයා පැමිණෙන ලීලා ඇතුළු පිරිස ගෝත්‍රිකයන්ගේ පැත්ත ගනියි. ඔහුගේ උපදෙස් පරිදා දාදා මුදු හරියි. සතාගෙන් දැනගන්නා තොරතුරු අනුව ගෝත්‍රික බිමට පැමිණෙන සිම්බෝ තම මිත්‍රශීලි අලි ඇතුන්ට අනතුරු සංඥාවක් කරයි. සතුන් ඔහුගේ අණට අවණතව ගෝත්‍රික ගම්මානය සුනුවිසුනු කරයි. ගෝත්‍රික ග්‍රහණයෙන් මිදෙන පිරිස පලා යද්දී බිහාරිලාල් පමණක් සිම්බෝ පසුපස හබා ගොස් සුරය කඩා ගනියි. එහිදී ඇතිවෙන වෙඩි තැබීමෙන් උමා මියැදෙන්නේ ප්‍රකෘති සිහිය ලබා අතීතය මෙනෙහි කරමිනුයි. සුරය රැගෙන පලායන බිහාරිලායි නොසිතූ අන්දමට දාදාට හසුවෙයි. සතා ඔහුව සපා කමින් පහර දෙයි. ජීවිත ආශාවෙන් පණ බේරා ගැනීමට දිවයන බිහාරිලාල් වාරු නැතිව ප්‍රපාතයට ඇද වැටෙයි. ඉතිරි වූ පිරිස පෙරළා ගමට යද්දී සිම්බෝ සමඟ ලීලා වනගත යුග දිවියක් අරඹයි.

මේ අනුව එදා තිබුණු සතුටින් විසිරයාමේ සිනමා කතා ශෛලියේ චිත්‍රපටයක් වූ සිම්බෝ හඬ කැවීමේ අධ්‍යක්ෂවරයා ඒ.බී. රාජ් විය. දෙබස් පරිවර්තනය විනිත් ජයසුරිය සමඟ හියුගෝ ප්‍රනාන්දු කළහ. දෙබස් කැවීමේ නිෂ්පාදක ලෙස සිනමාස් සමාගම හඳුනා ගත හැකිය. මෙම චිත්‍රපටයේ සංයුක්ත තැටි දෙකක් දැනට වෙළෙඳපොළේ විකිණීමටත් ඇත. එකක් සිනමාස් සමාගම හඬ කැවු පිටපත වන අතර අනෙක රූපවාහිනි හඬ ශිල්පීන් යොදා සැකසූ පිටපතකි.

[email protected]