වර්ෂ 2017 ක්වූ පෙබරවාරි 28 වැනිදා අඟහරුවාදා




තුන්වැනි පරම්පරාවේ වංශවත් අරගලය
ෆ යනු වැලක් සහ ඩබල්, ඩබල් කෝච්චියක් එක්වූ ෆේස් ටු ෆේස්
මම ලකී ඩයස් ගෙනුත් ප්‍රයෝජනයක් ගන්න ඕනෑ
හිරු නාළිකාවේ ‘සෙවණැලි’ තනද්දී බියකරු සිදුවීමක්
ජනතාවට හොඳ සම්මාන උලෙළක් දීලා බැනුම් අහන්න මම බය නැහැ
තුෂාරි අබේසේකරගේ නවතම ටෙලි නාට්‍යය
ඤාව්වෙක් නළුවෙක් කළ එදිරි
සමනලුන්ට එන්න කියන්න අපි මහඉලුප්පල්ලමට ගියෙමු
එයාගේ වචන සිංහලත් නෙවේ ඉංග්‍රීසිත් නෙවේ
යුදකාමී රැජනකගේ වීර කාව්‍යය
ප්‍රේක්ෂක හදවත් උණුසුම් කරනා අපූර්ව ටෙලි සිත්තමක්
ජයලාල් රෝහණගේ අලුත් ම නැටුම
ටෙලි නිෂ්පාදනය ගැහැනු අපිට කොහොමද?
ආදරය ගින්දරක් 1 දා සිට
ජාතික රූපවාහිනියේ අලුත්ම විදේශීය ටෙලි නාට්‍යයක් ‘සූරිය දියණි’
ජාතික රූපවාහිනියේ අලුත්ම විදේශීය ටෙලි නාට්‍යයක් ‘සූරිය දියණි’

ජාතික රූපවාහිනියේ අලුත්ම විදේශීය ටෙලි නාට්‍යයක් ‘සූරිය දියණි’

‘කිං හ්වං හු’හෙවත් ‘Kmpress Ki’ නැගෙනහිර ආසියාව පුරා පැතිර තිබූ මොංගෝලියානු අධිරාජ්‍ය සහ ගෝර්යානු රාජ්‍ය පසුබිම් කරගත් කතා පුවතකි. ගොර්යානු ජාතික තරුණියක වන කී සන්යං අගහිඟකම් මැද වැඩී මොංගෝලියානු යුවාන් අධිරාජ්‍යගේ අග බිසව බවට පත්වීම තෙක් සිදුවීම දිග හැරෙන මේ විදේශීය කතා මාලාව රැගත් ‘සූරිය දියණි’ ටෙලි නාට්‍යය මේ මස 16 වැනිදා පටන් පස්වරු 6.30ට සඳුදා සිට සිකුරාදා දක්වාම සෑම දිනෙකම ජාතික රූපවාහිනියේ විකාශය වෙයි.

2013 ඔක්තෝබර් මස 23 වැනිදා සිට 2014 අප්‍රේල් දස 29 වැනිදා දක්වා කාලය ඇතුළත දකුණු කොරියාවේ එම්. බී. සී. නාලිකාවේ විකාශය වූ මේ කතා මාලාව මුලින් හ්වාථු ‘Battle of Flower’ලෙස නම්කර ඇත. මෙහි කතාංග පනස් එකකි. මේ කතා මාලාව වර්ග කෙරෙන්නේ ඉතිහාසය ආදර සහ වික්‍රමාන්විත සිදුවීම් ඇතුළත් මාලා නාටකයක් ලෙසනි. තව ද මෙරට සිරිමැටි සිත්තරා වී ලෙස විකාශය වූ Goddess of Fire’ නාට්‍යයට පසුව ඒ විකාශන කාලය හිමි කර ගත්තේ මේ ‘Kmpress Ki’ නාට්‍යයයි. මෙහි පිටපත් රචකයා වන්නේ දකුණු කොරියාවේ ප්‍රකට රූපවාහිනි පිටපත් රචකයෙකු වන ජං යොං චොල් ය. අධ්‍යක්ෂණය හන් හී සහ ලී සන් ජුන් ගෙනි.

රෙසංජනී තාමෝද්‍යා, චේතනා කැටගොඩ, නලින් ප්‍රියදර්ශන , ඩිෂාන් ෂාමින්ද, ප්‍රසන්න ෆොන්සේකා ඇතුළු හඬ කැවීම් ශිල්පින් රැසක් සිය හඬින් පෙළහර පාන මෙහි හඬ සටහන බුද්ධික සම්පත්ගෙනි. හඬ කැවීම් සහය අමාලි විජේසේකර වන අතර හඬ කැවීම් අදියුරුවම හා නිපැයුම වජිරා කුමාරි විතානගේ සිදු කරයි. තේමා ගී ගායනය ඉසුරු ජයරත්න හා ශශිකා නිසංසලා වන අතර සංගීතය හා තනුව එම්. ආර්. චූලසිංහගෙනි.

නිපැයුම් මෙහෙයුම, සංස්කරණය, තේමා ගීපද සහ පද රූ ගැන්වීම් අතුල රන්සිරිලාන්ගෙනි. ‘සූරිය දියණි’ ටෙලි නාට්‍යයේ කී සන්යං කුඩා කාලයේ දීම යුවාන් අධිරාජ්‍යයාගේ වහල් සේවය සඳහා රැගෙන යයි. අතරමඟ දී ඉන් පැන ගොස් පුරුෂ වෙස්ගෙන ඇගේ සතුරකු වන වංගෝ සමීපයේ හැඳී වැඩෙයි. වංගෝ ඇය හඳුනා ගනීවිද? ඇය යුවාන් අධිරාජ්‍යගේ අග බිසව බවට පත්වන්නේ කෙසේ ද? මේ බව දැන ගැනීමට නම් ඔබට ජාතික රූපවාහිනිය නැරැඹීමට ම සිදුවනු නියත ය. - තිලානි