වර්ෂ 2018 ක්වූ ජුනි 25 වැනිදා සඳුදා




සංවේදනාවන් කියැවීමකි
Three Billboards
බොරුවෙන් ජීවත්වීමට උපන් හපන් වලිසිංහගේ කතාව
වේගයෙන් පෙරට RACE 3
වස්සානයේ සඳ පායයි
රජිනි නැවතත්
එක වගේ දෙන්නෙක් ජරමර ගොඩක් එල ඩබල
සුළි කුණාටු මැද ඔබ තනිවුවහොත්
සිනමාවට එක්වන සුරූපී නිළිය මිස් ජෙනිස්
හන් සෝලෝගේ කතාව 25 වැනිදා සිට ලොවපුරා
සැබෑ සෙනෙහසේ අසිරිමත් රිද්මය වස්සානයේ සඳ
ඇන්තනි රූසෝ හා ජෝ රූසෝ අධ්‍යක්ෂණයක්
සුවඳ මල් නිතර පිපියන් රන්කඳට බිම්බා දේවි හෙවත් යශෝධරා
ඇත්තටම බිය දැනෙන විශිෂ්ට චිත්‍රපටයක් A Quiet Place
අමෝරාගේ විපර්යාසය ගැන කියවෙන අමෝරා
මධුර චාරිකා ආදායමට වඩා මා ලද ජය වැඩියි
පිරුණු සඳ ඇති රැයක උදාවිය ‘අමාවක’
පෙනුම පක්ෂියෙක් ඇතුළේ කොටියෙක් The Jungle Bunch
ආදරයට අලුත් අරුතක් වෛෂ්ණාවී
දකුණු ඉන්දීය සිනමා කර්මාන්තයේ දැවැන්ත වැඩ වර්ජනයක්
සැලීගේ ජීවිතය රැක ගන්න මානුෂික මෙහෙයුමක් ‘හොරා අන්කල්’
ත්‍රස්තවාදීන් දණ ගැස්සූ 7 Days in Entebbe
මෙවර ඔස්කාර් සම්මානය දිනූ චිත්‍රපටය
සීතල කඳුකරයේ යුවතියන් පමණක් හෙළි කළ රහස
සුළි සුළං මැද කොල්ලයක්
Manikya Malaraya Poovi ගීතයට ඉහළ ප්‍රසිද්ධියක්
ඇලඩින් වෙයි
හිරු මිනිසාගේ නව බලය samson
ඩී. එස්. සේනානායක චරිතයේ සලරුව ‘නිදහසේ පියා ඩී. එස්.’
නොමැති වස්තුවක් කොල්ල කෑමට වෙර දරන දෙපිලක්
සත්‍ය සිදුවීමක් රැගත් දේශපේ‍්‍රමි කතාවක්
ලංකාවේ ප්‍රශ්නයක් ඉන්දියාවේ කතාවක්
රහසක් අරමුණක් අතර ගෙවෙන එක් රැයක්
අද කාලයේ යුවතියක අතින් තැනුණු අපූරු චිත්‍රපටයක්
වේගයෙන් පෙරට RACE 3

වේගයෙන් පෙරට RACE 3

ලෝක සිනමාව තුල රසික අවධානයක් දිනා ගත් සුවිශේෂ ක්‍රියාදාම චිත්‍රපට පෙළක් ලෙසින් බොලිවුඩයෙන් නිර්මාණය වූ Race  චිත්‍රපට මාලාව හඳුන්වා දිය හැකියි. බොලිවුඩයේ ජනප්‍රිය තරු රැසක දායකත්වය Race චිත්‍රපට මාලාවේ දී සුවිශේෂ වන අතර අනිල් කපූර්, සයිෆ් අලී ඛාන්, අක්ෂේ ඛන්නා, අමීෂා පටෙල්, කත්‍රිනා කයිෆ්, බිපාෂා බාසු, ජෝන් ඒබ්‍රහම්, දීපිකා පදුකොන්, ජැක්ලීන් ෆරේනැන්ඩ්ස්, බොබි ඩියෝල් සමඟින් සල්මන් ඛාන් ද ඒ අතරට එක්වී සිටිනවා.

සාර්ථක ව්‍යාපාරිකයකු වන රන්වීර් සිං වටා මෙහි පළමු කතාව ගෙතුණා. මත් පැන් පානයට ලොල් වූ ඔහුගේ බාල සොයුරා රාජීව්හට ව්‍යාපාර ලොව සාර්ථකවීම අපහසු වන අතර ඔහුගේ කුරිරු බව හෙළි වන්නේ තම සොයුරු රන්වීර්ගේ පෙම්වතිය සෝනියා සොරකම් කර ව්‍යාපාරයේ ද බලය අල්ලා ගැනීමට උත්සාහ කිරීම සමඟින්. මෙහිදී සයිෆ් අලී ඛාන් රන්වීර් ලෙසින්ද අක්ෂේ ඛන්නා රාජීව් ලෙසින්ද බිපාෂා බාසු සෝනියා ලෙසින්ද රංගනයෙන් දායක වුණා. අනිල් කපූර් පොලිස් පරීක්ෂක රොබර්ට් ඩි කොස්තා හෙවත් "අච්" නම් චරිතයට පණ දුන්නා. රන්වීර් සිය බිරිය මැරූවන්ගේ පළිගැනීමට සැරසෙන අයුරු Race දෙවැන්නෙන් දිග හැරුණා. එහිදී දීපිකා පදුකොන්, ජැක්ලීන් ෆරේනැන්ඩ්ස්, ජෝන් ඒබ්‍රහම් සහ අමීෂා පටේල් එහිදී රේස් චිත්‍රපට මාලාවට එක් වුණා.

අබ්බාස් මස්තාන් විසින් අධ්‍යක්ෂණය කෙරුණු Race පළමු සහ දෙවැනි චිත්‍රපට බොලිවුඩයේ මූල්‍ය අතින්ද සාර්ථක වූ චිත්‍රපට වේ. ඉන්දීය රුපියල් මිලියන 460ක වියදමෙන් 2008 වසරේදී නිර්මාණය කෙරුණු Race පළමු වැනි චිත්‍රපටය ඉන්දීය රුපියල් බිලියන 1.03ක ආදායමක් වාර්තා කළා. ඉන්දීය රුපියල් මිලියන 840ක වියදමකින් 2013 වසරේදී නිර්මාණය වූ දෙවැන්න ඉන්දීය රුපියල් බිලියන 1.62ක ආදායමක් වාර්තා කළා. විචාරකයන් පවා ඉන්දීය සිනමාවේ නිර්මාණය වූ සුවිශේෂ ගණයේ ක්‍රියාදාම චිත්‍රපට ලෙසින් මෙම චිත්‍රපට ද්විත්වය හඳුන්වා දුන්නා.

හෙට (ජූනි 15 වැනිදා) සිට‍ මෙම චිත්‍රපට මාලාවේ තෙවැන්න Race 3 චිත්‍රපටය තිරයේ දිග හැරෙනවා. සල්මන් ඛාන් ද මෙවර Race 3 සමඟින් එක් වෙන අතර එය නිෂ්පාදනය කර ඉදිරිපත් කරන්නේ ද සල්මන් ඛාන් ෆිල්ම්ස් ආයතනය විසිනි. මුල් චිත්‍රපට ද්විත්වයේම ප්‍රධාන චරිතයකට පණ දුන් අනිල් කපූර් සමඟින් ජැක්ලීන්, බොබී ඩියෝල්, ඩේසි ෂා ඇතුලු පිරිසක් මෙහි රංගනයෙන් දායක වී සිටිනවා. මෙහි එන සල්මන් සහ ජැක්ලීන්ගේ ප්‍රේමණීය රැඟුම් පිළිබඳ පුවත් චිත්‍රපටය රූගත කිරීම කළ කාලයේ පටන් Race 3 වෙත ඉහළ ප්‍රසිද්ධියක් ගෙන එන්නට සමත් වුණා. සයිල් අලි ඛාන්ගේ දායකත්වය මේ වෙනුවෙන් අපේක්ෂා කළ ද සල්මන් සමඟින් සමන්තරව ප්‍රධාන චරිතයක් නිරූපණය ඔහු විසින් ප්‍රතික්ෂේප කර තිබෙනවා. සල්මන් ද මේ වෙනුවෙන් කළ පළමු ආරාධනය ප්‍රතික්ෂේපකර තිබූ අතර ඔහු සිය එකඟත්වය පළ කර තිබෙන්නේ, තිර පිටපතේ කළ වෙනස් කිරීම් කිහිපයකින් පසුවයි. අචජඥ 3 වෙනුවෙන් සල්මන් යෝජනා කර තිබෙන්නේ සම නිෂ්පාදක රමේෂ් තෞරාණි විසින්.

Race මුල් චිත්‍රපට ද්විත්වයම මෙන් තෙවැන්නේ ද තිර රචනය කර තිබෙන්නේ ශිරාස් අහමඩ් විසින්. මුම්බාය, තායිලන්තය, ඩුබායිහිදී එහි රූගත කිරීම් සිදුකර තිබෙනවා. අචජඥ 3 බොලිවුඩයේ සාර්ථක සිනමා අධ්‍යක්ෂවරයකු ලෙසින් නමක් දිනූ රිමෝ ඩී සූසාගේ අධ්‍යක්ෂණයක්. නීති විරෝධි කටයුතුවල නිරතවීමට පෙලඹුණු පවුලක කතාවක් මෙහි ගෙන එනවා. දක්ෂ අපරාධකරුවන්ට තම සැලසුම් වරදින්නේ කෙසේද ද? යන්න එයින් නිරූපිතයි. Race 3 බොහොම වේගවත් ලෙසින් ක්‍රියාත්මක ක්‍රියාදාම සමඟින් කිසිවෙකුටත් සිතාගත නොහැකි ආකාරයේ සිනමා නිර්මාණයක් වනු ඇති බවට ඉන්දීය සිනමා තොරතුරු ගෙන එනවා.