වර්ෂ 2018 ක්වූ පෙබරවාරි 21 වැනිදා බදාදා




හිරු මිනිසාගේ නව බලය samson
ඩී. එස්. සේනානායක චරිතයේ සලරුව ‘නිදහසේ පියා ඩී. එස්.’
නොමැති වස්තුවක් කොල්ල කෑමට වෙර දරන දෙපිලක්
සත්‍ය සිදුවීමක් රැගත් දේශපේ‍්‍රමි කතාවක්
ලංකාවේ ප්‍රශ්නයක් ඉන්දියාවේ කතාවක්
රහසක් අරමුණක් අතර ගෙවෙන එක් රැයක්
අද කාලයේ යුවතියක අතින් තැනුණු අපූරු චිත්‍රපටයක්
තහනම ඉවතට පද්මාවති හෙට ලොව පුරා
ප්‍රේමයටත් මුදලටත් මැදිවන පවන්ගේ කතාව ආදරෙයි මං
සිනමා විමසුම
රැකියාවත් යෝජනාවත් අතරට මැදිවන සේනකගේ කතාව උගුලයි මඟුලයි
තවත් මහා පරිමාණ බැංකු කොල්ලයක්
සොර සතුරන් රැස මෙල්ල කරන්නට දඬු මොනරෙන් එනවෝ
ක්‍රීඩාවක් දිනන මග
ආදර ෆැන්ටසියක රියැලිටි අරුමැසිය සරුංගල්
නොව පැරණි වන රමණි තරු සටන
අහිමි වූ පෙමක් සොයා යන රශ්මිගේ කතාව විසුරුණු මල් පෙති
ඇමරිකාවේත් සිරවුණු බාස්මතී බ්ලූස්
සුපර් මෑන් මිය ගියාට පස්සේ
මාලිනිගේ සිට අනෝමා දක්වා එතෙර බුහුමන් ලද අපේ රංගනවේදිනියෝ
කඟවේනාට එරෙහිව පෝනි හයදෙනෙක්
සියදිවිනසා ගන්නට පෙර සීමා නෑ ආකාසේ නරඹමු
තෝරගේ වික්‍රමය තෙවැනි වරටත්
හිරු මිනිසාගේ නව බලය

හිරු මිනිසාගේ නව බලය samson

බෲස් මැක්ඩොනල්ඩ් අධ්‍යක්ෂණයක්

හෙට සිට ලංකාව ඇතුළු ලොවපුරා...

හීබෘ බයිබලයේ විනිශ්වයකාරයන්ගේ පොත (Book of Judges) නම් පරිච්ඡේදයේ 'ශිම්ෂන්', 'සැම්සන්' හෙවත් 'හිරු මිනිසා' නම් බලයක් හිමි ශක්තිවන්ත මිනිසෙකු පිළිබඳ සඳහන් වේ. ඔහු ඊශ්‍රායලය ගලවා ගත් පුද්ගලයන් අතරින් කෙනෙකු වන බවද එහි සඳහන් වේ. එපමණක් නොව ශිම්සන් විසින් දෙවියන් වහන්සේට ප්‍රතිඥාවක් ද දී තිබුණු බව ද එහි ඇතුළත් වේ.

බයිබලයේ සඳහන් අන්දමට ශිම්සන් හෙවත් සැම්සන් හට තම සතුරන්ට මුහුණදීම සඳහා මහා බලයක් සතු වූ අතර ඔහු කළ ශක්තිමත් ක්‍රියාවන් අතර වරෙක සිංහයකු තම දෙඅතින් මරා දැමූ බවත් තවත් අවස්ථාවකදී පිලිස්තීන හමුදාවක් සහමුලින්ම විනාශකර දැමීමත් සඳහන්. ඔහු සතුව දිගු වරලසක් විය. එම දිගු වරලස කපා දැමුව හොත් දෙවියන් ඉදිරියේ දී තිබූ ප්‍රතිඥාව අවලංගු වී ඔහු සතු බලය සහ ශක්තිය නැති වී යන බවත් එහි කියවේ.

සැම්සන්ගේ ආදරවන්තිය ඩිලයිලා, සැම්සන් නිදා සිටියදී සේවකයකු යොදවා ඔහුගේ වරලස කපා දමා සතුරන් වන පිලිස්තීනුවන්හට පාවා දුන් බවත් ඔහු පිළිබඳ කතාපුවත්වල කියැවේ. සතුරන් විසින් සැම්සන්ගේ දෑස් උගුල්ලා ගාසා හි ධාන්‍යාගාරයක බලහත්කාරයෙන් වහල් සේවයේ යෙදවූ බවත් පසුව ඩැගෝන්හි දේවස්ථානයකට රැගෙන ගොස් කණුවකට උර දී සිටින පරිදි ගැට ගසා තබන ලදී. එම අවස්ථාවේදී තමාට යළිත් බලය, ශක්තිය ලබා දෙන ලෙස සැම්සන් විසින් අයැද සිටි අතර අශ්චර්යජනක ලෙසින් යළිත් ඔහුහට බලය ලැබුණු බවද සඳහන් වේ. එම බලයෙන් සහ ශක්තියෙන් සැම්සන් විසින් දරා ගෙන සිටි කණුව ඔසවා දේවස්ථානය සම්පූර්ණයෙන්ම කඩා බිඳ දැමූ අතර එහි සිටි සියලුම පිලිස්තීනයන් සමඟින් සැම්සන් ද මරණයට පත් වූ බව කියවේ.

ශිම්සන් හෙවත් සැම්සන්ගේ කතාපුවත පාදක කරගෙන දැන් චිත්‍රපටයක්ද නිර්මාණය වී අවසන්. Samson නම් වූ එය ලබන 16 (පෙබරවාරි 16) වැනිදා සිට ලොවපුරා තිරගත කිරීමට නියමිතයි. බෲස් මැක්ඩොනල්ඩ් විසින් අධ්‍යක්ෂණය කළ එහි තිරරචනය කර තිබෙන්නේ, ජේසන් බෞම්ගාඩ්නර්, සැක් ස්මිත්, තිමති රැටසැක් සහ ග්ලේන් ගිල්බට් විසිනි. ටේලර් ජේම්ස්, ජැක්සන් රැත්බෝන්, බිලි සැන්, කැට්ලින් ලී, ලින්ඩ්සේ වොග්නර් ඇතුලු පිරිසක් එහි රංගනයෙන් දායක වී සිටිති. මෙහි බොහොමයක් දර්ශන රූගත කර තිබෙන්නේ, දකුණු අප්‍රිකාවේදී ය.