වර්ෂ 2018 ක්වූ ජනවාරි 18 වැනිදා බ්‍රහස්පතින්දා




ප්‍රේමයටත් මුදලටත් මැදිවන පවන්ගේ කතාව ආදරෙයි මං
සිනමා විමසුම
රැකියාවත් යෝජනාවත් අතරට මැදිවන සේනකගේ කතාව උගුලයි මඟුලයි
තවත් මහා පරිමාණ බැංකු කොල්ලයක්
සොර සතුරන් රැස මෙල්ල කරන්නට දඬු මොනරෙන් එනවෝ
ක්‍රීඩාවක් දිනන මග
ආදර ෆැන්ටසියක රියැලිටි අරුමැසිය සරුංගල්
නොව පැරණි වන රමණි තරු සටන
අහිමි වූ පෙමක් සොයා යන රශ්මිගේ කතාව විසුරුණු මල් පෙති
ඇමරිකාවේත් සිරවුණු බාස්මතී බ්ලූස්
සුපර් මෑන් මිය ගියාට පස්සේ
මාලිනිගේ සිට අනෝමා දක්වා එතෙර බුහුමන් ලද අපේ රංගනවේදිනියෝ
කඟවේනාට එරෙහිව පෝනි හයදෙනෙක්
සියදිවිනසා ගන්නට පෙර සීමා නෑ ආකාසේ නරඹමු
තෝරගේ වික්‍රමය තෙවැනි වරටත්
බ්‍රිතාන්‍යයේ මිලියන හතක් නැරඹූ ගුඩ් කර්ම රෝහල . . .
විවිධ දෑ සිතන අමුතු තරුණයකුගේ කතාව බහුචිතවාදියා
අජේ දේව්ගන් අවතාරයක් සමඟ අකරතැබ්බ රැසක
ගතට නොව හිතට බේත් දෙන Dr. නවරියන්
තෙල් සායමින් ඇඳි ලොව මුල්ම චිත්‍රපටය Loving Vincent
අතීතය වසාගත් සොඳුරු කතාවක්
ජැකී චෑන්ගේ විශිෂ්ට රංගනය
මා නිෂ්පාදකවරයකු වූයේ ලාභ ගන්නට නොවෙයි
ඉතිහාසයේ එක දවසක් සොයායන වර්තමානයේ චාරිකාව
මැණිකක් රකිනා ලෙස පුතු රකින නාග මාතාව කුසල්
වෙන්වූ නිවුන් සොහොයුරන්ගේ කතාව යළිත්
එන්න සකුරා මල් පිපෙන රටේ අසිරිය විඳින්න
මකරාගේ උත්පත්ති කතාව Birth of the Dragon
පාරමී හා නිශාට මැදි වූ විමුක්තිගේ කතාව
අලුත් ජීවිතේ අඳුරු සෙවනැලි
මිනිසකුගේ රූප විපර්යාසය ගැන කියවෙන
ඉන්දිරා සමයේ ඉන්දියාවේ කතාවක්
අඳුරු ගම එකලු කරන අපූරු දරුවකු පිළිබඳ
ද්‍රෝහීන් කලඹන වීරයෙක්
කතා කරන හීන අරන් එන අපූර්වගේ කතාව
වීරයෙක් හොයන කෙල්ලක් A Gentleman
කන්දක් ගිනි උසුලන්නී කන්දක්සේ නොසැලෙන්නී නූපා
හිම තාරකා කුතුහලය ගෙන එන කතාවක්
ශාරුක්ගේ ආදරය ඇස්වලින්ම පේනවා
පාළුව දෙවනත් කරලා නාඬන් ‘උලලේනි’
සේයා ඇගේ ආත්මය ඔබ ලුහු බඳිනු ඇත
හීන හොයන සමනල්ලු මගේ අන්තිම බලාපොරොත්තුවයි
ජැක්සන් බොලිවුඩ් එයි
තාරුණ්‍යයේ නවමු කඩයිම් සොයා යන සීමා නෑ ආකාසේ
නොව පැරණි වන රමණි තරු සටන

නොව පැරණි වන රමණි තරු සටන

ජෝර්ජ් ලූකස් හැත්තෑව දශකයේදී පණ දුන් ස්ටාර් වෝර්ස් චිත්‍රපට මාලාව දශක හතරක් පුරා සිනමා ලොව ඒකාලෝක කළේ, ස්ටාර් වෝර්ස් සිනමා උන්මාදයක් ඇති කරමින්. අඳුරු බලවේගයක ඒකාධිපති පාලනයට එරෙහිව යහපත් පාලනයක් ඇති කිරීම වෙනුවෙන් මන්දාකිණි අධිරාජ්‍යයේ ඇති වන යුද සංග්‍රාමය ගෙන එන එහි ආරම්භය සනිටුහන් කළේ චිත්‍රපට මාලාවේ සිව්වැන්න වූ ඒ A New Hope  චිත්‍රපටයෙන්.

ස්ටාර් වෝර්ස් චිත්‍රපට මාලාව ප්‍රධාන කොටස් ත්‍රිත්වයකින් යුතු වන අතර එහිදී සිව්වැනි, පස්වැනි(The Empire Strikes Back) සහ හයවැනි (Return of the Jedi)  චිත්‍රපට පළමු වැන්නටත් පළමුවැනි (The Phantom Menace),  දෙවැනි (Attack of the Clones) සහ තෙවැනි(Revenge of the Sith)  චිත්‍රපට දෙවැන්නටත් අයත් වන අතර හත(The Force Awakens),   අට  (The Last Jedi)  සහ නවය තෙවැනි කොටසට අයත් චිත්‍රපට ත්‍රිත්වය වෙනවා. තෙවැන්න යටතේ හත් වැනි චිත්‍රපටය The Force Awaens 2015 වසරේදී තිරගත කෙරුණා.

එහිදී මන්දාකිණි අධිරාජ්‍යයා හෙවත් ඩාර්ත් වේඩාර් පරාජය කර තිස් වසරකට පසු මන්දාකිණිය තවත් දුෂ්ට බලවේගයක් වන කයිලෝ රේන්ට එරෙහිව මුහුණ දෙන තවත් අභියෝගයක් ඒ ඔස්සේ දිග හැරුණා. ඒ අතරේ කයිලෝ රේන්ගේ සොල්දාදුවකු වන ෆ්‍රින් ගමන් ගත් යානය කාන්තාර ග්‍රහ ලොවකට කඩා වැටීමෙන් පසු එහි වෙසෙන රේ නම් තරුණියක ඔහුට හමු වෙනවා. රොබොවක් සහ රහස් සිතියමක් රේ සතුයි. සෘජු ගතිගුණ ඇති තරුණියක වන රේ සහ ෆ්‍රින් එකතුව හන් සෝලෝ සමඟින් මන්දාකිණි අධිරාජ්‍යයේ යහපත් පාලනයක් ඇති කිරීම වෙනුවෙන් වෙහෙසුණු ජෙඩායිවරුන්ගේ අවසන් නයිට්වරයා වන ලූක් ස්කයිවෝකර් සොයා යාම සිදු වුණා.

ස්ටාර් වෝර්ස් රසිකයන් වෙත මේ වසරේ අවසානය අතිශයෙන් සතුටු දායක වන්නේ එහි අට වැන්න Star Wars: The Last Jedi හෙට (දෙසැම්බර් 15) සිට තිරගත කිරීම සමඟින්. Star Wars: The Last Jedi  රචනය සහ අධ්‍යක්ෂණය කර තිබෙන්නේ රියන් ජොන්සන් විසිනි. රේහට ලුක් හමුවීම සමඟින් The Force Awakens අවසානය සනිටුහන් කළ පසුව ඊළඟට කුමක් සිදු වන්නේ දැයි කියන්නේ හෙට සිට තිරගත වීම අරඹන The Last Jedi  චිත්‍රපටය යි. එහිදී රේ පවා නොදැන සිටි ඇය සතුව පවතින සුවිශේෂි හැකියාවන් තව තවත් දියුණුතියුණු කර ගන්නට වටිනා අවස්ථාවක් හිමි වන අතර දුෂ්ට බලවේගයට එරෙහිව ඇය සටනට සූදානම් වෙනවා.

මෙහි රේ, කයිලෝ රේන් සහ ෆ්‍රින් මන්දාකිණි අධිරාජ්‍යයට පිවිසියේ ස්ටාර් වෝර්ස් හත් වැන්න සමඟින්. එම චරිතයන්ට පණ දෙන්නේ ඇඩම් ඩ්‍රයිවර්, ඩේසි රයිඩ්ලි සහ ජෝන් බොයේගා විසින්. Star Wars: The Last Jedi  චිත්‍රපටයේ ලූක් ස්කයිවොකර් ලෙස මාර්ක් හමිල් සහ ලියා ලෙස කැරී ෆිෂර් සමඟින් ඔවුන් ප්‍රධාන චරිත නිරූපණය කරනවා. මෙහි ආරම්භයේ සිට ලියා කුමරිය ලෙසින් චරිත නිරූපණය කළ අමෙරිකානු ජාතික නිළි කැරී ෆිෂර්ගේ රංගනය සුවිශේෂි වන්නේ සංවේගයද සමඟින්. එනම් Star Wars: The Last Jedi තිරගත වන විට ඇය ජීවන රඟමඬලින් ද සමු ගෙන වසරකට ආසන්න වීමයි. මේ දක්වා තිරගත කෙරුණු සියලුම ස්ටාර් වෝර්ස් චිත්‍රපටවල ඇයගේ රංගනයන් දැක් වුණා. පසුගිය 2016 වසරේ දෙසැම්බර් 27 වැනිදා ඇය ජීවතුන් අතරෙන් සමු ගන්නා විටදී චිත්‍රපටයේ ඇයගේ රංගන කටයුතු සියල්ල අවසන් කර තිබූ බව හොලිවුඩ් පුවත් ගෙන එනවා.

ස්ටාර් වෝර්ස් චිත්‍රපට මාලාව හතළිස් වසරක් පුරා ලොව වටා රසික රසිකාවන්ගේ ඉහළ ආකර්ෂණයක් ලබන්නට සමත් වූ චිත්‍රපට මාලාවක් ලෙසින් අංක එක හිමි කර ගන්නට සමත් වී තිබෙනවා. කෙසේ නමුත් මෙවර මෙම චිත්‍රපටය(The Last Jedi) තිරගත කිරීමට කාලය ඉක්මන් වැඩි බව විචාරක අදහස වී තිබෙනවා. එසේම තිරගත කිරීමට පෙර මාධ්‍ය දැක්මක් නොපවත්වන්නට එය බෙදාහරින ඩිස්නි සමාගම තීරණය කළ බවත් හොලිවුඩයෙන් වාර්තා වෙනවා. ඒ නිසාම එයට විරුද්ධව මාධ්‍යවේදීන් Star Wars: The Last Jedi  චිත්‍රපටය වර්ජනය කිරීමට සැරසෙන බවත් එහි වැඩිදුරටත් සඳහන් කෙරුණා. සිනමා ලොව චිත්‍රපට මාලා ඔස්සේ රසික ආකර්ෂණය ඉහළින්ම ලද ස්ටාර් වෝර්ස් පිළිබඳ නුදුරේදී තවත් තොරතුරු කතා කරමු.