වර්ෂ 2017 ක්වූ අගෝස්තු 18 වැනිදා සිකුරාදා




කතා කරන හීන අරන් එන අපූර්වගේ කතාව
වීරයෙක් හොයන කෙල්ලක් A Gentleman
කන්දක් ගිනි උසුලන්නී කන්දක්සේ නොසැලෙන්නී නූපා
හිම තාරකා කුතුහලය ගෙන එන කතාවක්
ශාරුක්ගේ ආදරය ඇස්වලින්ම පේනවා
පාළුව දෙවනත් කරලා නාඬන් ‘උලලේනි’
සේයා ඇගේ ආත්මය ඔබ ලුහු බඳිනු ඇත
හීන හොයන සමනල්ලු මගේ අන්තිම බලාපොරොත්තුවයි
ජැක්සන් බොලිවුඩ් එයි
තාරුණ්‍යයේ නවමු කඩයිම් සොයා යන සීමා නෑ ආකාසේ
මකුළු මිනිසාට විචාරකයන්ගේ ඉහළ පැසසුම්
යමරජු හමුවන සොහොන් පල්ලන්ගේ කතාව යම රජ සිරි
නිවුන් සොහොයුරන්ගේ ඇබැද්දිය Despicable Me 3
‘සුද්දිට අගෞරව කරන්න එපා’ අබසිරිගේ කතාව . . .
පිය සෙනෙහස තරම් සවියක් දියණියකට තව කොයින්ද
ගමත් නගරයත් අතර තුන් කොන් පෙමක පැටලෙන කුසල්ගේ කතාව “දෙවැනි වරම”
සිනමාවට අඳුරු විශ්වයක්
එකම මුහුණක්-චරිත දෙකක් Face 2 Face
නිසා වොන්ඩර් වුමන්
පස්සෙන් එන පාර්සලයක් ගැන කියන අලුත් චිත්‍රපටයක්
අතිඋතකර්ෂයෙන් පැවැති 70 වැනි කාන් සිනමා උලෙළ
සැබෑව, මායාව සහ ජීවිතය විශ්වනාත් බුද්ධික කීර්තිසේනගේ නවතම සිනමාපටය
ඈත මන්දාකිනියේදී ශ්‍රීමත් රිඩ්ලි ස්කොට් Alien සමඟ රණබිමට
“තෘෂ්ණාව හා බැඳුණු බන්ධන” බන්ධනය : සිනමා විමසුම
කාන්තාවන් තිදෙනකුගෙන් වීර කාන්තාවක් ගැන පුවතක්
අකුරු උගනී කුමරු සොඳවා
‘බන්ධනය’ට සිරවන සිඟිති සුරතලිය . .
සිරිමල් මගෙ සකි යහපත් ළමයෙකි ළඟදීම රිදී තිරයට
හොඳම අධ්‍යක්ෂණයට සම්මාන ගෙනා La La Land දැන් ලංකාවේ . . .
ටෙලිවිෂනයෙන් සිනමාවට පැන්න Power Rangers
භීෂණයේ අලුත් කතාවක් සිනමාවට
වෙන් වන්න නොසිතන්න සුකුමාලියේ... සේයා
‘රන් සයුර’චිත්‍රපටයේ ප්‍රධාන නළුවාත් මම වුණේ ඉන් ගැටලු රැසක් විසඳෙන නිසා
ගමත් නගරයත් අතර තුන් කොන් පෙමක පැටලෙන කුසල්ගේ කතාව “දෙවැනි වරම”

ගමත් නගරයත් අතර තුන් කොන් පෙමක පැටලෙන කුසල්ගේ කතාව “දෙවැනි වරම”

 

අලුත් ඇන්ජලා කෙනෙකු හඳුන්වා දෙමින් ජී. නන්දසේන ‘දෙවැනි වරම’ සිංහල සිනමාවට ගෙනෙයි. එළැඹෙන 22 වැනිදා සිට එල්. එෆ්. ඩී. සහ එම්. පී. අයි. මණ්ඩලවල දිවයින පුරා පිහිටි ශාලාවලදී තිරගත කිරීමට නියමිත මේ චිත්‍රපටයෙන් හඳුන්වා දෙන රිෂී ඇන්ජලා ජනප්‍රිය තරුණ නළු පුබුදු චතුරංග සමඟ සිනමාවට පෙම්වත් වෙයි.

යොවුන් ආදරයක් අතරේ ගමත් - නගරයත්, ගැමිකමත් - නාගරිකත්වයත් දෝලනය වන රූප පෙළ ගැස්මක් වන දෙවැනි වරම වෙනුවෙන් පුබුදු - ඇන්ජලා ප්‍රේමය අතරට ජනප්‍රිය සම්මානනීය විකට නළු ටෙනිසන් කුරේ සේම සම්මානනීය සටන් නළු රෙක්ස් කොඩිප්පිලි ඇතුළු ප්‍රවිණ සහ ජනප්‍රියතම තවත් නළු නිළියන් රැසක්ම එක්වනු පෙනේ. ඒ අතර කලෙකින් සිනමාට රැඟුම් රඟන ගයත්‍රි ඩයස් සහ කුමාරි මුණසිංහ ආදීහු ද සිටිති.

ඇරැඹුමේ පටන් එකම කුතුහලයක ප්‍රේක්ෂක මනස පටලවන දෙවැනි වරම චිත්‍රපටයේ මුල සිට අග දක්වාම රඳවාගෙන චිත්‍රපටයේ නිමාවේදී සටහන් කරන කුතුහලය බොහෝ දෙනකු චිත්‍රපටය කෙරෙහි ආකර්ෂණීය කරගන්නා අංගයක් වනු ඇති බව පසුගියදා පැවැත්වුණු එහි මාධ්‍ය දර්ශනයෙන් ඉක්බිතිව අදහස් දැක් වූ හුඟ දෙනකුගෙන් අසන්නට ලැබුණි.

පුබුදු චතුරංග පණ දෙන දෙවැනි වරමේ එන කුසල් කරලියද්දගේ ප්‍රධාන නළු චරිතය නාගරික තරුණියන් රුචි නොකරන්නෙකි. ඔහු අත ගන්නට පතන්නේම ගම්බද තරුණියකි.

එහෙත් කුසල් අයිති ගම්බද පරම්පරාවකට නොවේ. අමු නාගරික ගති පෙන්වන ඔහුගේ පියා රටේ ප්‍රකට ඇමැතිවරයෙකි. මව ද ධනපති පන්තියටම අයත්ය. එය එසේ තිබියදී සරල ගැමිකම රැගත් ගම්බද රූබර ළඳක් පතන කුසල් කතරගමින් සොයා ගන්නා රූමතියයි සමන්මලී.

හිතුවක්කාර කුසල්ගේ මේ ජංජාල හමුවේ ළමා කාලයේදීම කුසල්ගේ ඇමැති පියා ඔහුගේ මිතුරකුගේ දියණියක් කුසල්ට විවාහ කර දෙන්නට ගත් තීරණයේ තදින් එල්බ සිටී. ඒ යෝජිත රූබරියත් කුසල්ගේ සිත වෙනස් කිරීමට බොහෝ කැප කිරීම් කරයි.

එකකට එකක් වෙනස් ගම්බද සහ නගරබද වටපිටාවක් වටා දුවනා මේ සිනමාරූප පෙළ විඳගෙනම කුසල් කරලියද්දත් සමන්මලිත් හමුවෙනා ඒ දෙපාර්ශ්වික ප්‍රේමය තුන්කොන් ප්‍රේමයක් බවට පත්කරන මේ දෙදෙනා අතරට එකතු වන මායාකාරී තුන්වැනිය වන අමීෂා කුසල් - සමන්මලී ප්‍රේම කතාව වෙනස්ම මානයකට හරවයිද? ඒ චමත්කාරය දැකගන්නට ‘දෙවැනි වරම’ පිරිවර ප්‍රේක්ෂක ඔබට සිනමා ශාලාවට ආරාධනා කරති.

පුබුදු චතුරංග, රිෂී ඇන්ජලා, රෙක්ස් කොඩිප්පිලි, ක්ලීටස් මෙන්ඩිස්, ටෙනිසන් කුරේ, ගයත්‍රි ඩයස්, කුමාරි මුණසිංහ, සමුද්‍රා හික්කඩුව, ප්‍රේමදාස විතානගේ ආදීහු දෙවැනි වරම චිත්‍රපටයේ රංගනයේ යෙදෙති.

චින්තක පීරිස් කථාව, දෙබස් හා තිර රචනයට හිමිකම් කියන දෙවැනි වරමේ සහාය අධ්‍යක්ෂණයෙන් ෂෙහාන් ඉද්දමල්ගොඩ ද, වේශ නිරූපණයෙන් සනීර දිනේෂ් ද, කලා අධ්‍යක්ෂණයෙන් සුසාර සම්පත් කුරුවිට ද, පසුබිම් සංගීතයෙන් හර්ෂාන් ෂාන් ද, රෝහණ වීරසිංහ ගී තනු නිර්මාණයෙන් ද, සංස්කරණයෙන් අනූෂ ජයවර්ධන සහ කසුන් මාධව වත්තේආරච්චි ද එක්කර ගනිමින් ජී. නන්දසේන අධ්‍යක්ෂණය කළ දෙවැනි වරම චිත්‍රපටයේ නිෂ්පාදකත්වයට ජී. නන්දසේන සමඟ ජගත් ඇපලදෙනිය සහ ආර්. ඒ. සරණපාල එක්ව සිටිති.