මෝනාමූර් අමාරා

පෙබරවාරි 7, 2019

සමනල සංධ්වනිය සිනමාපටයේ ගගන සරන්නට ගීතය ගැයූ රූනි ඉන්පසුව සප්ත ස්වරයයි, දුඹුරු ළමිස්සි ආදී අතිශය ජනප්‍රිය ගීත ගැයුවා. වෙනස් ආරක ගීත ඔබ වෙනුවෙන් ගයන රූනිගේ නවතම ගීයත් අමුතුම එකක්. මෝනාමුර් අමාරා ලෙසටයි එය නම් කරලා තියෙන්නේ. මොනාමුර් අමාරා කියන්නේ ප්‍රංශ බසින් මං ඔයාට ආදරෙයි කියන එක. අමාරා කියලා කෙටියෙනුත් මෙම ගීය හඳුන්වා දී තියෙන්නේ අන්තර් ජාලය වෙනුවෙනුයි. මෙහි පදමාලාව නදීරා නල්ලපෙරුමගෙන්. ඇය අමාරා ලියලා පද පේළිය රූනිට පෙන්වලා. ඊට පසුව සුරේන් ඩී. නමැති නව පරපුරේ සංගීතඥයාට යැව්වේ එයට සරිලන තනුවක් නිර්මාණය කරන්නයි. සුරේන් තමයි ගයන්ත ගයන සුදු පාට මල් වැටුණු රතු පාට රැලි ගවුම ගීතයේ නිර්මාණකරු. සුරේන් අමාරා ගීතයේ පදමාලාව හොඳින් පණ ගැන්වෙන්නට සංගීතය නිර්මාණය කරලා.

මට මෙහි වචන වගේම මෙලඩියත් හරියටම සෙට් වුණා. කෙටි කලක් ඇතුළත ගීතය පටිගත කළා. මා හිතවත් චමු ශ්‍රී තමයි මෙහි වීඩියෝව නිර්මාණය කළේ. නුවරඑළියේ දිනක් පුරා වීඩියෝව වෙනුවෙන් කැප කළ කාලය නම් අමතක වෙන්නේ නැහැ. අධික සීතලට ගැහි ගැහී රූගත කිරීම් සිදු කළා. වැස්සෙන් සිදු වූ බාධක නම් අනන්තයි. නියමිත පරිදි ඇතැම් දර්ශන රූගත කිරීම් කරන්නත් බැරි වුණා. එහෙම වුණයි කියලා අඩුපාඩුවක් දැනුණේ නැහැ. ජර්මානු ජාතික ක්‍රිස්ටිනා නමැති තරුණියක් සහ අපේ අකලංක ගනේගම තමයි වීඩියෝවේ කපල් එක.

එහෙම අදහස් දැක් වූයේ රූනි.

අමාරා ගීතයේ සම්පූර්ණ පදමාලාව:

හිම වැස්ස සීතලේ රෝස මල් සුවඳ දේ
බැඳෙමි ගීත ගයමි රාත්‍රියේ
ඉටිපහන් සිළ මැදින්ර
ඟදෙනා තෙත මතින් සදාකල් සැතපෙමි
ඔබ මගේ අමාරා
අමාරා අමාරා මොනාමුර් අමාරා

ශේන් ගංතීරයේ පාවෙනා අවන්හලේ
ලොවේ සොඳුරු යුවති නුඹ සිටියා
මේ සිහින දේශයේ තරුවක් ද නැති රැයේ
සඳක් වී සුමුදු වත පෙනුණා
අමාරා . . .

හිතේ දුක නිවාලා පිය නඟමු සිනාපා
සැඳෑවයි උණුහුමයි අමාරා
සැන්දෑවයි මී විතයි මේ හාදු නගරයයි
සෙවණැලි හෙලිහෙළි රඟදෙනා
තඹවන් වූ කෙහෙ රැලි විදුලි එළිවැටි
සැඳෑවන් උණුසුමයි අමරා
අමාරා . .

ලොව පතනා නුඹෙ මුදු ලවන් මට දැනේ
අවදි වනු බැරිය මේ හීනයේ
අමාරා අමාරා . .

 

CAPTCHA
This question is for testing whether or not you are a human visitor and to prevent automated spam submissions.
6 + 10 =
Solve this simple math problem and enter the result. E.g. for 1+3, enter 4.