වර්ෂ 2017 ක්වූ අගෝස්තු 24 වැනිදා බ්‍රහස්පතින්දා




මනෝ චරිත හතක් ගැන කියයි
රාජිත එක්ක දවස් තුනක් ගත කරන්න
මැණිකේ මම ආයේ ගෙදර එනවා
තුන්බිය රැගෙන මහාචාර්ය ආරියරත්න කලුආරච්චි වේදිකාවට
විනිශ්චය මණ්ඩලය නිදි
නාට්‍ය නරඹන්නේ නැති අය විනිශ්චය කිරීම අභාග්‍යයක්
කලා දිවියේ හතළිස් වසර සමරමින් සුසිල් ‘වෙස්ගත් බොස්’ ගෙන එයි
361 කියන්නේ රූප පෙට්ටියේ ගැටුමයි
නාට්‍යකරුවන් සහ ඔවුන්ගේ නිර්මාණ - 31
නාට්‍යකරුවන් සහ ඔවුන්ගේ නිර්මාණ - 30
රාජ්‍ය නාට්‍ය උලෙළ ගිය වසරට වඩා සාර්ථක මට්ටමක
පාරම්පරික කලාකරුවාගේ ශෝචනීය ඉරණම විදහා පෑ ජයලත් මනෝරත්න
ලොවපුරා මල් වේදිකාවේ පිපෙන හැටි බලමු
වේදිකාව හා වීදිය අතර සංක්‍රමණය වූ නාට්‍යකරුවා
නාට්‍යකරුවන් සහ ඔවුන්ගේ නිර්මාණ - 24
නාට්‍යකරුවන් සහ ඔවුන්ගේ නිර්මාණ - 22
නාට්‍යකරුවන් සහ ඔවුන්ගේ නිර්මාණ - 21
නාට්‍යකරුවන් සහ ඔවුන්ගේ නිර්මාණ - 17
නාට්‍යකරුවන් සහ ඔවුන්ගේ නිර්මාණ - 16
නාට්‍යකරුවන් සහ ඔවුන්ගේ නිර්මාණ - 15
නාට්‍යකරුවන් සහ ඔවුන්ගේ නිර්මාණ - 10
නාට්‍යකරුවන් සහ ඔවුන්ගේ නිර්මාණ - 9
නාට්‍යකරුවන් සහ ඔවුන්ගේ නිර්මාණ - 8
‘යකා මළා’ සුන්දර විනෝදාත්මක නාට්‍යයක්

‘යකා මළා’ සුන්දර විනෝදාත්මක නාට්‍යයක්

- එස්. විජේසිංහ

දෙවොල් යකෙක්, අලි මදිවට කොටි, සෙමිට්රියෙ භූතයෝ වැනි නාට්‍ය ගණනාවක් වේදිකාවට දායාද කළ කලා භූෂණ රාජ්‍ය සම්මානලාභී එස්. විජේසිංහ තරුණ අවදියේ සිටම වේදිකා නාට්‍යය අධ්‍යක්ෂණයට යොමු වූවෙකි. ඔහුගේ නවතම වේදිකා නාට්‍ය 'යකා මළා' මේ දිනවල සාර්ථකව වේදිකා ගත වේ. එහි මංගල දර්ශනය පසුගිය වසරේ ලුම්බිණි රඟහලේදී පැවැත්විණි. එහි විසි පස් වන දර්ශනය පැවැත්වීමට ඔහු මේ දිනවල සූදානම් වේ. මේ ඒ පිළිබඳ ඔහු අප හා කළ කතාබහකි.

'යකා මළා' නාට්‍යයේ විසිපස් වන දර්ශනය පැවැත් වෙන්නේ කවදාද?

මේ මාසේ 12 වැනි සෙනසුරාදා සවස 3.30 හා 6.30 ලෙස දර්ශන වාර දෙකකට පවත්වන්නේ.

කොහේද නාට්‍ය පෙන්වන්නේ?

කොටිකාවත්ත ශ්‍රී රාජසිංහ විද්‍යාලයීය රඟහලේදී. එම පාසලේ නාට්‍ය හදාරන දරුවන්ට පෙන්වන්නට හොඳ නාට්‍යයක් කියලා අපිට ලැබුණු ආරාධනාවක් මතයි අපි නාට්‍යයේ විසි පස් වන දැක්ම එහි රඟ දක්වන්න තීරණය කළේ.

නාට්‍යය ගැන හැඳින්වීමක් කළොත්?

ඉතාම සුන්දර නාට්‍යයක්. විනෝදාත්මකයි. මිලින්ද පෙරේරා, උදය කුමාරි, දයානන්ද හේවගේ, භාතිය මදනායක, අජිත් කොටුවිල, චින්තක පතිරණ, අජිත් බෝගොඩ හා රංග නයනජිත් යන අය රංගනයෙන් දායක වෙනවා. අංග රචනය ගාමිණී කොස්තාගෙන් සහ ආලෝකකරණය සුනිල් සමරකෝන්ගෙන්. ළමා, වැඩිහිටි කාටත් පොදුවේ එකට හිඳ 'යකා මළා' නරඹන්න පුළුවන්.

නාට්‍යයට ලැබෙන ප්‍රතිචාර?

ඉතාම සතුටුදායකයි. එක පාරක් බලපු කෙනා දෙපාරක් බලනවා.

නාට්‍යකරුවකු විදියට ඔබ මුහුණ දෙන අභියෝග?

අද අපිට අමාරුවෙන් මුද්‍රණය කරගන්න පෝස්ටරයක් පැය දෙකක්වත් ප්‍රදර්ශනය කරගන්න බැරි වෙලා තියෙනවා. ශාලා හිමිකරුවන් පවා ඔරොත්තු නොදෙන විදියට මුදල් අය කරනවා. ඒ අතින් අපට මහඟු සම්පතක් වන ලුම්බිණි රඟහල හා ජෝන් ද සිල්වා රඟහල ඉක්මනින් ප්‍රතිසංස්කරණය කොට ජාතියට තිළිණ කරනවා නම් ලොකු අස්වැසිල්ලක්. රාජ්‍ය මැදිහත්වීම අවශ්‍යයි මේවාට.

ඉදිරි වැඩ කටයුතු කොහොමද?

ඉදිරියේදී අලුත් නිර්මාණ කරන්න බලාපොරොත්තු වෙනවා. මූල්‍යමය අතින් අපි තරමක් පිටුපස සිටින නිසා පළමුව 'යකා මළා' වේදිකා නාට්‍ය සාර්ථක කරගන්න උත්සාහ කරනවා. දැනටමත් එය රට පුරා වේදිකා ගත වෙන්නේ සහෝදර සංවිධායකවරුන්ගේ නොමසුරු සහයෝගය නිසා.

අවසාන වශයෙන් මට මෙතෙක් උදව් කළ හැමෝටමත් 'යකා මළා' නාට්‍ය කණ්ඩායමටත් ස්තූතිය පුද කරනවා. හැමෝටම 'යකා මළා' නාට්‍ය නරඹන්න එකතු වෙන්න කියලත් ඇරයුම් කරනවා.

මගේ දු: අ: 0777585458.